爱华网第3课 吴奇隆 烟火＋一天一天等下去(剧场版) （上）第一次嚟到北京玩，仲要係自己一个人而我只係识得讲地道香港人个啲唔咸唔淡嘅国语我都算係好大胆北京呢个地方唔算细但係我竟然遇见一个男仔好几次呢一次佢居然走埋嚟自我介绍添死喇，我都唔知应该讲啲咩野好原来佢係由台湾嚟嘅，佢仲以为我係本地人仲赞我比起本地嘅女仔靓得嚟仲摩登啲添
于是我剩返落嚟果个礼拜嘅行程就係同呢个男仔係埋一齐一齐去长城上便睇我哋祖国嘅风光我哋都好陶醉大家都好似忘记咗香港太平山 同埋台湾阿里山嘅景色语言已经唔再系我地之间嘅隔膜但係一个礼拜好快就过咗佢同我讲咗句说话：我是一缕烟，而你是一团火佢呢一缕烟就係因为我呢一团火产生但係我只係可以答佢话：当烟火烧到最后最后，烟就会飘走，火就会熄灭，而两者都唔再属于呢处地方
第4课 吴奇隆 烟火＋一天一天等下去(剧场版) （下）自从上次北京旅游返嚟之后唔知点解自己有个冲动去学国语连我死党阿may都觉得我返嚟之后D唔咸唔淡嘅国语好咗好多我唔知系咪希望有一日……真係傻喇初初我哋以为分开之后大家可以忘记对方所以都冇交换到联络地址同埋电话其实真係呃人嘅潇洒唔知佢台湾个边做紧D乜野？有冇谂起我呢？
有次同埋班朋友去烧野食睇倒碳炉里面D烟同火唔知点解流咗眼泪出嚟阿MAY问我係咪比D烟烟亲只眼我同佢讲话引因火而生，但当烟火烧到最红最后，烟就会飘走，火就会熄灭阿MAY 唔明我讲D乜野，不过佢就话我个番说话同张报纸嘅寻人广告一样我即刻摞起张报纸嚟睇上面写住：烟火虽然暂时熄灭，但係只要一天一天等下去，烟火总有一天重燃
报纸上面仲留咗个香港地址同电话号码添阿MAY问我做咩无烟仲喺度喊？而睇倒张报纸又会咁开心嘅？我话因为我要去打电话，而接电话嘅佢竟然讲起D唔咸唔淡嘅广东话
第5课 杨斌 我唔识拍拖(剧场版)男：点解要咁对我呀女：我点解唔可以咁对你呀？男：你有冇当过我係你男朋友呀？女：咁你呢？你成日话爱我 但你识咗我咁耐 有冇陪我睇过一出戏 有冇同我行过一次街 我有冇要求过你啲乜呀？女：你想讲，呢啲就係你嘅拍拖方式呀嘛？够啦！我受够啦！ 睇嚟，你真係要学下点拍拖咯！你再咁落去嘅话 一世都揾唔到囡朋友架男：我哋一齐咁多年啦 你唔係唔知我係点架 我就算几忙都好 我个心都係係你个度架 你粒声都唔出 就背住我同第个一齐你有冇谂过我感受呀？女：係呀，我地一齐已经好多年了 咁多年以呢 我啲Firend陪我仲多过你陪我有你咁做男朋友嘅咩？女：女人到底要嘅係乜野 你究竟知唔知呀？ 你咁叫拍拖咩？男：但我……我咁辛苦係为咗乜野呀？我係为咗我哋以后可以过得更加舒服啲咋，你以为我唔辛苦咩？ 你以为我……女：够啦！你唔使再讲咁多啦 我哋分手啦男：分手？好呀，既然你觉得咁委屈嘅 我亦都唔想勉强你女：女人到底要嘅係乜野 你究竟知唔知呀？ 你咁叫拍拖咩？女：或者分手对大家呢讲都係一种解脱 或者我唔係一直咁爱你嘅话 我根本唔会忍受咁耐 又或者……唉！女人就係咁幼犹寡断架啦世界上边有咁多或者呀 女人其实好简单 佢只係想揾一个依靠嘅人 能够俾幸福佢嘅人 其实女人根本就係自私 如果某一日 有一个女人要离开你你只能够反省下 究竟你係咪真係唔识拍拖
第6课 郑伊健 感激遇见你(剧场版) 读白：林珊珊"唔同人嘅爱情有唔同嘅开始，而我嘅开始，系一个问话符号。认识你个年系中一，你比我嘅感觉系一个问话符号，唔知点解见亲问话符号，我就啉起你。
到咗中二，冇一个男同学好似你咁钟意偷偷望我。有次我错手拿咗你饮过个杯野来饮，大家笑我饮咗你口水尾，一世听你话。以后我故意同你顶嘴，系故意架，我做乜要听你话。
中五，毕业啦，你无端端问我，有冇幻想过将来，幻想里面见唔见到你，我好快咁答：冇。你个样，立即变成一个失望嘅问话符号啊。
今年嘅旧同学聚会，你令我眼前一亮，冇啉过，一个傻瓜嘅你，变成今日哩个样，佢哋话你仲未有女朋友，我点会信啊。果晚，我发现咗个秘密，你偷偷将我饮个杯Punch，同你个杯换咗来饮，我个嘴冇笑，我只系，用我个心来笑。
如果你遇我唔到，你估你会简个点样嘅女朋友阿啦。"
第7课 张智霖 十指紧扣＋爱情已死(剧场版) （上）手拖住手的感觉真系好，尤期系当你拖住你钟意果个人，不奇然就有一种甜蜜和幸福的感觉，轻轻地手挽手就已经感觉到互相嘅浓情蜜意，将大家嘅距离拉得好近，好近，每当我哋手拖住手嘅时候唔单止感觉有温暖，仲有力量，信心，好似感觉到对对方嘅关心和肯定，哩一切美好嘅感觉，其实都因为我哋都爱对方。记得你曾经讲过，你好喜欢手拖住手，尤期最钟意系我哋十指紧扣嘅感觉，因为你觉得咁样好有安全感，而我哋曾经都拖住对方，走过咗好多好多嘅路，经历咗好多，分享咗好多，但愿喺哩一世我哋都十指紧扣，一齐走埋下半生!
第8课 张智霖 十指紧扣＋爱情已死(剧场版) （下）两个人手拖住手真係可以咩都感受得到，包括可以感受到我哋嘅感情可以去到边一度，拖住嘅时候感觉甜甜蜜蜜咁系好啦，但唔知几时开始，我就发现我同你手拖住手嘅感觉已经唔同咗了，虽然我哋仍然系手拖住手，但系我哋已经感觉唔到以前果种着紧和关心啊，睇住你同我一齐嘅时候变得越来越彷忽，越来越冷淡，真系令到我觉得好不安啊，好难过!我真系好想问，其实你係米已经唔再爱我呢，因为喺手拖手嘅时候我已经再感受唔到以前果种亲近嘅感觉，相反我哋嘅距离好似一日比一日拉开变得越来越远，到咗最后我哋相方心里面都明白係时候要放手了，因为我哋之间嘅爱情已经发出死亡嘅信号，再见了，喺我失恋哩一日我将自己双手紧扣住，放喺额前，为哩段失落咗嘅爱情作出最心切，最心切嘅哀悼!
第9课 赵颂如 大孩子+孤儿仔+开始懂了+下学期+期待(永远剧场版) (剧场版) （上）http://www.tudou.com/programs/view/UYiADgksSNI/?fr=rec1各位同学 边个知道 永远两个字点写啊哎，闷到死老师永远和你们在一起仲教我哋永远 来做计添，永远 都只不过好短时间嗻，她都係教咗我哋一个学期 就走咗啦，不过 呢个长头发嘅老师 係第一个同我讲永远嘅人。
第二个同我讲永远嘅人 係我爹地，好多时候 屋企里面 只係得我同妈咪，不过 我都已经习惯咗 他夜返，虽然我并不知道 夜返嘅背后到底系乜野。
你走阿嘛，你走出呢个门口你以后都冇再返来，呢一个晚上 爹地同妈咪嘅吵架声 突然之间 吵醒咗我，妈咪噶喊声好恐怖啊，我用张被摁实自己个头，但这个时候，爹地突然之间揭开我张被说“乖女，无论发生咩事，你永远都系爹地最锡嘅乖女，永远都系。”当我正喺度努力咁思考紧爹地所讲嘅永远嘅时候，爹地已经走咗，而且再都冇返过来。
第10课 赵颂如 大孩子+孤儿仔+开始懂了+下学期+期待(永远剧场版)（下）“相信我，我会永远爱你。”他系第三个同我讲永远噶人，系我还没明白点系回事噶时候，他以经成为咗我噶初恋，只不过，过咗冇几耐，他又同第个女仔亦都讲咗同一样噶话，其实永远到底有几远呢？
一直觉得自已唔系一个幸福噶人，面对住太美好的野，反而会容易担心。觉得自已只系度发紧梦吧，咁好噶野几时轮到自已呢？又或者系我开始惊，惊唔知有边一日会不知不觉甘失去，人大个咗慢慢识明白，原来永远只会系自己的心里面同埋梦里面，能够捉住嘅只会係现在，努力坎坷一个瞬间，就咁係永远咯。
第11课 陈尚实 恋爱试题(剧场版)男：你点解唔用饮桶啊？女：你唔觉得咁饮先至最直接 最爽快嘅乜？ 咁样先可以饮到水蜜桃嘅香味同埋茶嘅纯味架嘛男：嗯 咁样饮真係爽点喔 不过你记住以后饮之前要抹干净个樽口 费事饮埋点细菌 病从口入啊
男：为咗向我中意嗻人 表达我嘅感情 读书果阵我苦练呢一首歌 直到而家，我都冇忘记到里面每一句歌词每一个音符女：我冇你咁坚韧嘅生命力可以挨到我嗻将来 我净係知道，我而家遇到我中意嗻人 而果个人唔属于我啊 你走啦 即刻走啊！
男：天天啊 希望过去所有唔开心嗻野 都可以好像汽车倒后镜里面见到嘅景物一样 离我哋越来越远，越来越远
第12课 陈尚实 阳光花园(剧场版)女：你讲乜野啊？ 你做乜讲俾我听啊？ 你点解而家至讲俾我听啊？点解啊？ 点解啊？
男：点解要戴戒指给你自己睇到嗻？仲要戴喺无名指？女：你担心啲乜嘢嗻？更何况我又不係戴喺右手！男：你……总之以后唔好咁任性啦！女：哼！原来我仲可以任性架？！
女：小王子喺自己嘅星球上面种咗自己嘅玫瑰。 终于玫瑰长大咗。于是他就离开咗自己嘅星球去揾其他嘅玫瑰。 后来当佢发现自己种嘅玫瑰不是唯一一朵 而且全世界玫瑰都喺一样嘅时候，佢开始质疑自己係唔係有属于自己嘅玫瑰。
女：哈！唔知道小王子种嘅玫瑰喺边粒星球上面呢？男：扯～仲使讲？当然係最靓果粒啦！女：点解啊？男：咁它係最靓嘅玫瑰啊嘛！ 唔将最靓嘅玫瑰种喺最靓嘅星星上面，算乜野最爱啊？女：扯！或者玫瑰都唔稀罕呢～男：唔稀罕都会要嘓喔。因为自己最爱嘅人给噶嘛。傻女！女：你先傻啊！你俾过我啲乜野啊？男：哪！唔好玩了！呢度好高架～跌咗落去我会死硬架～女：乜你咁细胆架？都唔係好高嗻～你都惊？ 跳落去你都唔会死啦～最多唔係摊咗，或者双腿残废咯～男：我摊咗你係唔係照顾我一世先？女：你发梦啊！你看我而家推唔推你落去啊哪……
第13课 张信哲 过火(剧场版) （上）今次我真係伤咗了，而且仲伤得好深好深你仲记唔记得你同我说过啲乜野噶？点解你依家要背叛我，我真係好难过。係你讲过无论点你都唔会离开我，无论点都唔会再令我伤心难过可惜，你当初所讲嘅一切诺言都已经碎咗啦点解啊，我咁相信你，有乜事都跟你说，而你就……係我，我知係我当初说过彼此嘅关心就足够啦，但係我试问一下你关心过我咩？每次你一有乜嘢唔开心我都用自己最大嘅力量，希望你会笑一下而你呢？每一次每一次我唔开心你可以做啲咩？其实我真係好憎你……
第14课 张信哲 过火(剧场版) （下）我恨你太唔了解我，恨你从来都冇钟意过我，点解你喺我面前仲这样，你知唔知我有几伤心。 我真係有时咁好憎我自己。点解要咁钟意你，恨自己每时每刻都咁挂住你，憎自己点解要碰上你我真係好难过……当初俾我知你同她乜嘢关系嘓阵时，我嘅心就好似一把刀插咗落去咁我讲唔出嘢啦，啲眼泪已经流咗出嚟啦，以前你同我讲嘅每一句说话我都想唔出来每一啲欢笑同欢乐都已经冇晒了，我发觉我依架乜嘢都冇咯，我真係好难过
可能彼此之间都唔需要解释哋乜嘢！但是我真係好想你清楚咁话俾我知到底係咩事一直以嚟，我都冇做错哋乜嘢事。一直以嚟我都把你放喺我心目中最高嘅位置！点解你要咁对我？你知唔知我真係好伤心，你点解要咁做？
或者依架我需要嘅只係时间，同埋一种坚强！我谂时间会令我忘记你嘅一切！我真可能我自己真係可以做到点解要咁样对我？
第15课 《我和僵屍有個約會Ⅱ》愛在地球毀滅時(永世的緣)小玲：有一件事 我永远都唔想忘记！所以我录低呢段說話。 我唔想忘记一个人，我唔知点解我唔想忘记佢， 或者应该話 唔知點解我好想永遠都記住佢，就算一分鐘之後 係世界末日，我都想呢個人留喺我心裏面直至到最後一秒。 雖然我哋係埋一起嘅時間唔多，不過我哋互相關心過，傷心過，分開過，甚至一齊面對過生同死。 但係每一次，我哋都冇放棄過對方，有一句說話，我從來都唔敢同人講，亦都唔敢同自己講，我愛上嘅呢個男人，佢就係……
小玲：呢度係咩地方呀？天佑：係一個可以俾我哋好好休息嘅地方。成個世界 就只係得妳同我小玲：剩係得我哋兩個？天佑：係。再冇其他人，冇仇恨，冇眼淚，就只有我哋兩個，馬小玲小玲：同埋況天佑
第16课 胡芳芳 成田公园(剧场版) （上）男：大后日我就要飞啰！女：咁急？男：唔急嘎啦，都准备咗半年啰！女：几时返啊？男：唔知啊，去果边读两年书先，如果再条件好嘅话，可能唔会再返啦！女：蠢材！
女：呢个公园要拆啦，听讲喺下个星期开始动工噢男：吓？点解啊？女：呢块地要改造成商场男：係噉嘅话……女：放心喔，成田公园唔会消失嘎，因为每个人心里边都有一座成田公园。男：每个人心里 边都有一座成田公园？
友: 听讲佢要飞澳洲啰喔女：你点知噶？友：吓？我出咗名係中央情报收发站嚟噶喔，边有我唔知嘅嘢嘎，不过，你舍得嘎啦？女：唔舍得又可以点啊！友：喂！果个係你男朋友嚟嘎喔！女：佢唔係我男朋友，佢都未同我表白，佢都未话我知佢究竟谂紧啲乜
第17课 胡芳芳 成田公园(剧场版) （下）男（心里独白）：终于要离开喇，我……系唔系应该有嘀表示呢？又或者系讲翻嘀咩乜好呢（电话接通……）男：阿怡，我而家准备去机场啦，你可唔可以过嚟送下我啊？有嘀嘢我想亲口同你讲女（心里独白）：去唔去呢佢要飞澳洲两年喔！两年，可以改变好多嘢噶，我唔想比某嘀嘢束缚，我只系想保留我哋之间紧有嘅回忆
工人：喂，小姐，呢个公园唔比入嘎啦，拆啦女：唔係话下个礼拜先拆咩工：拆之前都要准备下噶嘛，走啦走啦，钢筋水泥整亲你就唔好啦女：点可以嘎？佢要飞，公园要拆，咁我点啊
男：佢始终冇嚟，哎，算啦 再见啦，阿怡
女：两年过咗去啦，一年前，毕业之后，成田公园终于变成咗一间大商场，我同同学喺度租咗个铺位做拉面店 唔知佢点呢，算啦都咁耐喇，或者，佢已经唔记得咗我喇，记忆好似尘粒噉，连同成田公园一齐消失
女：欢迎光临男：小姐，我想问下成田公园喺边啊女：你係？男：以前有个女仔话我知，成田公园係唔会消失嘎喔女：因为每个人心入便都有一座成田公园咯
第18课 林颐 墨尔本的翡翠(最新剧场版) （上）龙：点啊呢排？你好忙咩？成日打电话俾你一係就唔接一係就话唔得闲。你係唔係有咩事啊？红：我……嗯..……其实。唉……龙：你讲啊，我係你男朋友嚟咖嘛，喂你咁样我好担心咖。红：你唔好对我咁好啦，我唔钟意你对我咁好啊！你知唔知阿？！龙：吓？咩事呀？做咩啊你？！红：我钟意咗第二个，不如我哋算啦。龙：咩话？你讲多次红：我话我已经唔钟意你，我哋分手啦！龙：分手？！哼……（吃烟）呼……佢几多岁啊？红：廿五！龙：做咩架？红：做一样我好钟意做嘅工作，我知佢大我好多，不过我钟意佢够叻啊！你睇下你啊……我同你咗你咁耐你依然係咁嘅样，你有冇进步过啊？你一啲上进心都冇，(龙：我……)如果我真係要同你一生一世你俾得到啲乜嘢我啊？龙：最起码我爱你啊，喂我改咯，我改咯好冇啊？你唔好咁对我啊，我真係好爱你咖！你唔好咁啦……红：喂……你男人老狗你唔好喊啦，哎我走啦，拜拜！龙：喂……喂……唉……阿红远远离开了他，他的身影慢慢看不到啦……
第19课 林颐 墨尔本的翡翠(最新剧场版) （下）电话响了！铃铃铃……男:喂，你好！稳边位？女：（哭泣）我……我係红红啊男：红红？！（惊讶的）喂……你做乜野啊？女：我……(哭泣)男：喂！你唔好喊啦！边个吓你啊？女：（哭泣）原来佢係玩我咖！男：乖啦！唔好喊啦！喂……女：阿龙啊，（男：唔好咁啦，好唔好啊？做咩啊？有咩事慢慢讲咯，喂……喂……乖啦，唔好喊啦！）我……佢……我……佢依家唔要我啊，对唔住啊，对唔住啊。男：我对你一直都冇变过，虽然……虽然我摘唔到天上嘅星星，又或者我攞唔到墨尔本嘅翡翠俾你，但係我真係改咗好多啦！我依家打算做生意，我会上进咖，返黎我身边啦，好唔好？女：（哭泣）你唔怪我当初咁样对你咩？男：傻啦！我点会嬲我钟意嘅人，锡都嚟唔切啦！女：（哭泣）我唔要墨尔本嘅翡翠，我唔要啊，我净係要返你咋！
龙哥独白：我足足等咗你半年，喺呢半年入边每当夜阑人静嘅时候，我真係好挂住你，我真係好希望你唔好再离开我啦……
第20课 关心妍 终点(剧场版) （上）男：我问你吖，你钟唔钟意地中海嘅男人啊？女：点解无端端咁问啊？男：你听埋我讲先喇，咁你係咪好讨厌有肚腩嘅中年男人吖？女：你条友吖～冇玩喇，做咩啊？男：其实我係想问你，你愿唔愿意 一直喺我身边睇住我变成地中海 又有肚腩嘅男人啊？ 到咗果阵时，你都变成有皱纹，又平胸埋嘅啊婆。 不过，我都好想喺你身边照顾你，唔使好长，一世就够喇!!!
女：即使听过一千次虚假嘅我爱你，我依然希望 第一千零一次 係真噶。
女：果个女人究竟係边个啊？你话你爱我，点解你要咁对我啊！原来爱一个人係咁架男：喂～你第一日玩呢个游戏啊 感情係咁架拉，我同咗你咁耐，乜都厌喇，我对你冇晒感觉噶喇！你话……女：我憎死你啊……
女：点解你唔可以俾我个心踏实D嗻？你话你唔钟意我呢样 你唔钟意我果样我都去改。 我越係爱你，我越要将自己嘅无理取闹放喺心入面 係因为爱你啊！ 我唔想困住你，我谂得好清楚，我决定放开你。男：或者离开 可以令一切 变得更加简单，令一切 有重新被原谅嘅理由，然后 再重新开始。
第21课 关心妍 终点(剧场版) （下）女：原来 我哋一直都喺命运嘅掌握里面，我哋输咗俾冇办法改变嘅人生，输得 真係好彻底。
女：喂？女：喂？你快D嚟医院喇～佢~佢可能唔得喇
女：点解？点 点解会咁架？你做乜咁傻啊～你做乜呃我啊？ 点解你唔可以俾我好好咁陪埋你最后呢段时间啊？男：对唔住啊！信我啦…我～我爱~你……女：冇啊～你冇掉低我啊～冇啊……
男：当你睇到呢封信嘅时候，或者 我已经去咗另外一个世界。 对唔住～请你原谅我，我知道我好自私，我用我哋嘅幸福 嚟做赌注。 但係我冇后悔过，我亦都知道 你一定会支持我。 相信我，我真係好爱你。如果有下一世嘅话，我一定会俾到幸福你。女：原来时间一直都冇等我，係你 忘记咗带我走。
第22课 爱的魔法师(加长剧场版)（上）旁 述：七年后嘅一日！leo 回忆紧一d事LEO ：佢离开咗我已经七年啦，曾经佢同我讲过：阿yan：哎LEO 你有呒听过啊，有人话 每个女仔 都曾经係一个无泪嘅天使， 当佢 遇到所爱嘅男人嘅时侯 就有咗眼泪了，天使 堕落响人间 变成咗女仔， 所以 你千祈唔好辜负我啊！因为 我为咗你 已经放弃晒成个天堂啦！LEO ：点解今日你又要放弃我，返翻去你伽天堂呢?旁述：话说七年前嘅2月14日系医院……LEO ：阿yan, 你见点啊?医生，我求吓你，一定要救吓佢啊！医生：对唔住呀，佢已经救唔翻。尽晒力啦…
旁述：离开医院之后，LEO好伤心咁 係好朋友屋企阿晨：LEO你冇咁啦，作为兄弟 见到你咁 我都唔开心咖，不如咁啦， 听讲 只要揾到传说中嘅魔法师，用佢爱嘅魔法 可能会救得返阿yan咖...LEO ：系咪真咖？咁你知唔知个魔法师 而家係边度呀？阿晨：听巫婆海利佢讲，魔法师 就住喺对面海嘅心灵岛上边……LEO ：嗯……好阿。我而家即刻去揾佢……
第23课 爱的魔法师(加长剧场版)（中）旁述：系心灵岛上边……魔法师：你走啦，你嘅要求我唔会答应咖……ＬＥＯ：点解呀？我…我求下你啊，阿yan佢对我好重要咖，我唔可以呒咗佢(哭着下跪)魔法师：你跪喺度都冇用咖，唔怕话埋你知啊，我嘅心灵魔镜 一早预测到你会来， 而且好多事我都知道，阿yan 自从知道自己有癌症时， 佢根本上就唔敢话俾你知，还日日扮好开心咁对住你， 佢对你嘅爱 就好似一粒钻石心，但当佢自己嘅病情 一日一日咁恶化时， 个粒钻石心 一早就变成咗 水晶心啦，而你 又唔识得去珍惜 个粒脆弱嘅水晶心， 后来一次车祸嘅发生，阿yan 一粒水晶心 就从此变成咗 一粒易碎嘅玻璃心， 所以 佢救唔翻……LEO ：(喊…)係我衰，係我唔好，係我冇好好咁对佢， 如果上天听到我讲嘅嘢 我宁愿有癌症果个係我， 我宁愿俾车撞果个 都係我…我宁愿用我条命 来换返阿yan…
旁述：眨下眼又几年，LEO 依然係好朋友屋企阿晨：七年啦，你仲放唔低呀？LEO ：阿晨阿，我係咪好傻呀？阿晨：你唔傻，只不过我唔明你 点解七年来有咁多女仔钟意你， 你都係放佢唔低嗻？
第24课 爱的魔法师(加长剧场版)（下）LEO ：你唔明噶啦，阿yan佢係我心目中 根本冇人可以代替到…旁述：同一时间 喺天堂上边阿 yan：丘比特，我唔想见到LEO 为咗我而搞到咁样呀…丘比特：唉…你已经上咗来天堂咖啦，凡间嘅事 你都系唔去理埋咁多啦…阿 yan：我先上咗黎七日咋嘛…我求下你，我求下你 帮下我啦， 我真係唔想再见到佢咁样啊，唔该你啊…丘比特：唉…我真係惊咗你…女人真係烦…女天使就更加烦…阿 yan：你用你嘅爱神之箭 帮我射去LEO 同钟意佢嘅女仔身上…丘比特：ok…冇问题…easy啦…
丘比特：阿yan，今次真係帮唔到你啦，原来LEO个心 係钻石心来伽， 我嘅箭根本就射唔入…阿 yan：点解会咁嘅？丘比特：相对你来讲 天堂嘅七日就等于凡间七年， 因为七年来 佢对你嘅爱都从未改变过，所以佢个心已经变咗钻石心！ 不如咁啦，嘅然事实唔可以改变，我就定每一年嘅2月14日 係七夕情人节, 而呢一日 你哋可以见一次面伽，相对佢来讲， 佢可以每年係呢个日子入面见到你，已经係一件好好嘅事啦！
第25课 后备情人(加长剧场版) （上）旁述：有个天秤座嘅男仔转学翻到三乡理工就读。 就係咁俾佢遇到咗熟悉嘅射手座女仔，佢嘅小学同学--阿橙。 天秤座男仔叫阿桔，佢同阿橙做咗三年嘅同学。阿桔：係呢，阿橙啊，你报考咗边间大学呀？阿橙：人见人爱，车见车载嘅我 梗係报考咗北京清华大学喇， 你都知啦我妈咪係果边做嘢。所以我想喺果边读书。咁你呢？阿桔：我啊，我唔想去咁远呀，所以我留咗喺中山，我报咗中山学院啰。
旁述：高考之后佢哋都考上咗自己理想嘅大学。 几个月后阿桔嘅同班嘅白羊座女仔 - 阿柑向阿桔表白。阿柑：阿桔啊…其实呢…我留意咗你好耐咖啦…我可唔可以做你女朋友啫？阿桔：不如咁啦，三年后，如果我哋夹嘅话咪一齐啰，否则 我哋做朋友算了。阿柑：好啊，就咁决定啦。
阿桔：假如将来我盲咗，咁你会点啊？阿柑：我咪养你一世啰…旁述：喺遥远嘅北京，射手座嘅阿橙 得知阿桔已经有咗女朋友。阿橙(电话中)：喂！你就唔够朋友啦，有咗女朋友都唔讲声俾我知，搞错呀。阿桔：关于呢层我 我都唔知点讲好。
第26课 后备情人(加长剧场版) （中）旁述：好快，三年过去喇，阿桔嘅毕业设计亦都就嚟完成。 不過命運硬係好似喺都要整估一D安守本分嘅人咁， 阿桔就喺一次實驗中 出咗意外!当阿桔醒返嘅時候， 佢发觉 呢个世界就係剩低一片黑暗，阿桔 已经完全失去咗视力。阿柑：“你醒啦？”“係啦，有件事想同你讲。我考上咗华中理工大学嘅研究生， 听日就走，以后嘅日子……睇嚟我哋都係注定有缘无份。”旁述：讲完，白羊座嘅阿柑好快就走咗， 佢无睇到，阿桔紧闭嘅眼角边 有滴清澈嘅眼泪…阿桔终于明白乜叫心酸… 而远喺北京嘅射手座女仔-阿橙 仲乜都唔知道， 但係从阿桔嘅电话中，佢已经察觉咗一D变化。阿橙(电话中)：喂！點解咁耐都唔見你上Q嘅，我最近咧 剪咗个靓靓发型啊， 你上嚟啦，上嚟 喺咁E….免費比你及下啦。阿桔：er…我唔得闲出嚟呀…呢排都好忙…sorry啊…阿橙(电话中)：点解次次约亲你都唔得闲咖？有靓女你都唔想见…转死性呀？旁述：于是，阿橙冇通知阿桔，就嘿北京 嚟到咗阿桔嘅屋企… 当阿桔得知阿橙翻咗嚟之后，真係既开心又伤心，阿桔：哇…你個髮型好掂啵，不過可惜…我已經再睇唔到
第27课 后备情人(加长剧场版) （下）阿橙喊住咁讲：“你知唔知啊？呢三年嚟 我曾經嘗試去鍾意其它人咖， 但係每次我都做唔到啊。因为我喺心入面始終有一个人， 我永远都放唔低啊，你想唔想知果个係边个呀？” “……” “係你啊。”阿桔：“你会后悔咖。我 我依家已经係廢人一个，你明唔明呀！！”阿橙：“你唔好咁讲啦，我唔介意咖，我養你啊 我養你一生一世啊。”旁述：阿桔嘅眼睛再次被泪水冲洗……阿橙：我一早同你算过命咖，你同白羊座嘅相配程度只有50%， 但係同射手座就係90%啊。我成日喺度谂，我要默默咁做你嘅后备， 一直睇住你幸福，只要你过得比我好 就已經足够。 但係如果当其它人比唔到幸福你，我一定会挺身而出，将你抢返嚟咖。旁述：阿桔除着副墨镜，惊讶嘅阿橙睇到咖 係一对清澈 而明亮嘅眼睛。阿桔：“在我生命裏中 我需要嘅一个可以同我真正同甘共苦嘅人。 真正嘅爱 係写喺心底。并唔係日日挂喺嘴边……”
旁述：呢个时侯嘅阿橙个心 比任何人都甜…柑 喺介乎于阿桔同阿橙之间， 心酸唔过阿桔，甜唔过阿橙，喺经过咗岁月嘅调味后， 曾经唔明白乜叫酸甜嘅佢地 终于可以体会到酸酸甜甜嘅滋味。阿桔：曾经听人讲过，英国有对夫妇，从12岁 一直到72岁 都冇分离过， 我谂第2对 会喺阿桔 同埋阿橙。
第28课E-kids 开始恋爱（剧场版）男：靓妹，又喺度抽人水丫你。女：人哋边有喔，原来咧，呢个可爱嘅哥哥囝呢… 佢睇唔倒嘢咖，人哋帮下佢啫嘛，点算喺抽水喔~ 做咩丫，吃醋丫?男：扯…你有咁嘅本事咩！！
女：哼…唔知点解咧,我中意睇倒佢吃醋褁嗰样丫~!
男：其实次次见亲佢，都好想同佢讲中意佢咖，就唔知点解讲极都讲唔出口咧！
女：喂丫…近排咧，发觉咧我成日都掛住你咖。唔知咧！我喺咪中意咗你咧，不如 我哋拍拖囖。男：丅~唔喺啩？你讲真咖？ 不过我当你讲真咖囖，呢D嘢以后唔好同第二个讲丫，好蚀底咖。女：哼~傻佬……
第29课 许秋怡 偷偷想你(剧场版)老师：我从不肯妄弃一张纸 总是留着留着 叠成一只很小很小的船儿 从舟上抛下海里女同学：喂 你觉唔觉得有时候讲嘢好闷啊秋怡：唔係啊 佢几得意啊老师：你站在桥上看风景 看风景人在楼上看你 明月装饰了你的窗子 你装饰了别人的梦
老师：咦 做乜你放咗学咁耐都仲唔走啊秋怡：吓 阿Sir呀 嗯~ 无嘢啊 我喺度谂紧 你头先上堂教果几首诗之嘛老师：你有嘢唔明咩？秋怡：呓 冇呀 不过ER……不过 我觉得你头先 念诗果个样好得意啊
秋怡：喺某年某月某日 我钟意咗一位教中文嘅老师 他念诗个时候个样好得意 但係 我已经唔记得他叫咩名啦
第30课 彭佳慧 相见恨晚(剧场版)喺 初次见面嗰一刹那我已经知道 彼此之间嘅感觉眼神中嘅含义 无奈 客观上嘅种种因素又或者 为咗坚持自己所谓原则啩我真係冇勇气 去追动心灵深处嗰份 寻觅以久嘅感觉更加唔敢去面对 当时你充满希望嘅眼神但係 当我醒觉自己错失而失落方向咁 重寻你嘅时候你已经消失于 匆匆嘅 行色之中
至此 我先彻底明白有缘无份嘅嗰种无奈 嗰种遗憾正所谓 世事无绝对呢个俗语 竟然可以出现喺 你同我之间
第31课 许秋怡&张智霖 偷偷想你(剧场版) (下附音乐网址)http://www.tudou.com/programs/view/A6Yv1h9XIrk/(霖白)係我嘅故事开始得太早，定係你出现得太迟过尽千帆皆不是，你明唔明乜意思一个已经掏空咗心嘅人，又点可以再将佢送俾第二个你仲细，可能会唔明白不过，其实爱情呢两个字有几多个人 会真正了解
(怡白)其实，我唔係寂寞嗰阵 先会谂起你而係，当我一谂起你，寂寞就会由然而生嗰种感觉，抽象到连我自己都唔明白我又点可以清楚咁，话俾你听啊
第32课 VTX 恋爱毕业生(剧场版)joey： 又唔听我电话！Martin：你咪咁嬲啦，可能佢有嘢做呢~joey：??有嘢做有嘢做……佢永远都唔惊我嬲噶啦
Bibi：咦……joey，咩事啊？我同Sky倾紧学生会D嘢啊……joey：你依家算点啊？做咩唔听我电话啊？Sky ：你都见咖啦，我有嘢做紧啊嘛!joey：有嘢做紧……呵(冷笑)同佢一齐，就复我一个电话嗻嘛，咁都唔方便咩？Sky ：你讲咩啊你，你可唔可以成熟D啊？拍拖唔係好似你想象中咁咖joey：咁喺点呀？Sky ：体谅 包容 同埋俾多D空间對方……joey：係咪要我好似个影子咁跟住你唔出声啊？Sky ：你咁唔满意嘅……分手啰!joey：(回忆)估唔到我哋嘅爱情，始终都捱唔过毕业!
Sky ：果日，本来我准备咗一只戒指想送俾阿joey，但係 我居然就咁样同佢讲咗分手! 当时我以为，我以为我仲有机会去追佢返来，但喺，我犯咗一个令我呢一世都觉得心痛嘅错误…… joey果日走咗之后，就再冇喺我嘅视线范围之内出现过!连毕业晚会 佢都冇来到……
BIBI：Sky你睇下果个係咪joey？Sky ：吓？joey：HI!几好啊吗？Sky ：我好好，你呢……joey：恩…我几好…ER…唔讲住啦，我老公喺果边等紧我啊 拜拜!
Sky ：我望住佢 慢慢咁行得越来越远，个心依然係好唔舍得，但喺…BIBI：Sky啊，影楼打电话来 叫我哋去睇返果日影D婚纱相啊!Sky ：係喇……毕业咗咁耐，我哋嘅戀愛都应该係时侯毕业啦! 几日之后，我就会将戒指戴喺依家我身边嘅女人手上。 或者 呢一个就係我哋戀愛嘅毕业证书。
第33课 VTX 星夜传说(加长剧场版)国庆中秋篇（上）阿儿：(独白)：去天文馆睇流星果晚，喺街度，忽然听到有人大嗌咗一声“我爱你”，当时真喺觉得好震惊，我问你，你会唔会学呢个男仔咁样喺条街度同自己钟意嘅人大嗌一声我爱你咖？你好快咁答，唔会！你一咁讲唔知点解我会有种失落嘅感觉，虽然，我唔係你嘅女朋友！
阿 儿：Victor，我头先用望远镜见到粒流星呀？Victor：今晚喺天文馆度见到流星唔出奇呀! 喺呢，你知唔知有几多人可以响流星飞过嘅一瞬间许到愿咖？阿 儿：唔知呀Victor：答案係唔…当流星飞过嘅一瞬间，跟本就唔会及时许到个愿望!除非出现流星雨!阿 儿：(心想)我终于明白Victor点解今晚会嚟呢度啦!阿 儿：你係咪想许返上次个愿望，希望阿敏返嚟你身边呀？Victor：今次我唔讲你知!
(在北京)阿儿：记得果晚，係我有生以嚟见过天上划过最多流星嘅一晚，Victor亦都喺果一晚许做个佢认为一定会实现嘅愿望！
(回想)Victor：佢去做北京读书已经一年啦，如果当时我唔比佢走嘅话，佢会唔会为我而留低呢？
阿儿：上机果日，你嚟咗机场度送我机，我一直喺度等，喺等你开口讲一句留低我嘅话！但，到做最后你都係唔讲到！喺飞机上我由上机喊到落机…
第34课 VTX 星夜传说(加长剧场版)国庆中秋篇（下）阿儿：因为国庆嘅关系，学校放假七日，有D想翻去中山揾佢嘅冲动，一年冇见佢啦，唔知依家嘅佢会变成点呢？
电话声：阿 儿：喂，Victor呀，係我呀!Victor：阿儿，你返咗嚟呀？阿 儿：嗯…係呀!Victor：你係边呀？不如我依家过嚟揾你!阿 儿：好呀，我係步行街度等你!
电话声：阿 儿：喂，Victor，你係边呀？Victor：喂，阿儿，你拧转身，我企咗喺你正对面嘅50米度!你听住啦：我-爱-你!阿儿：(独白)：当我拧转身嘅果一刻，你竟然喺中山最多人嘅步行街度好大声咁嗌咗一句：“我爱你”，当时我真喺感动到想喊，呢句话…我等咗一年啦!Victor：我以前係度等紧个虚无飘渺嘅人，忽略咗你，喺我唔啱，我估唔到失去过一次嘅我还学唔识乜叫珍惜，到失去第二次嘅时侯就变成咗可惜…今次我唔会再比你走咖啦…阿儿：(独白)：当你讲完呢番说话嘅时侯，我嘅眼泪已经唔受我控制啦!
Victor：今日喺国庆嘅第六日，亦都喺中秋节，不如我哋去天文馆度睇星同赏月啰…Victor：原来之前向流星雨许愿…真係会实现咖…阿 儿：吓？？唔通……Victor：我嘅愿望係希望我哋可以喺埋一齐!Victor：如果可以摘到天上嘅星星，我会摘一粒俾你， 如果可以带走月亮我会将佢挂喺你嘅窗前，如果可以变走银河， 我会将佢放喺你嘅房间，但係，我乜都做唔到，只可以陪你喺夜晚观看呢一切!阿 儿： 我唔要天上嘅星星同月亮，只要你可以陪我观看呢一切就足够啦!
第35课 张智霖 谁说我哭(旁白版) (下附音乐网址)http://www.tudou.com/programs/view/9Ixb_JUi7Og/当佢话俾我听 最近开始拍紧拖嘅时候，我真嘅打咗个盹。啊 佢有男朋友啦……佢拍拖啦。其实我应该好噔佢开心至啱。我梗係冇将呢种失落嘅表现俾佢见到了。我虽然係笑住，但喺其实…我心真係好酸。突然间我有一种好强烈嘅失落感，有一种希望幻灭嘅感觉。原来我一直都呃紧我自己，我以为我可以做得到嘅嘢原来係咁难。每一次，当佢同我分享佢恋爱经历嘅时候，我个心都有一种好难受嘅感觉。我好尽力咁去掩饰，但係自问我嘅笑容已经变得越来越牵强。我好怕会俾佢发现，於是，只有更用力去掩饰，甚至，我开始回避佢。其实，佢仲边有咁多时间，理我呢个知己。
第36课 张智霖 祝君好(旁白版) (下附音乐网址)http://www.tudou.com/programs/view/2wjJ4aymAx0/虽然佢而家心有所属但係，佢仍然当我係佢最好嘅知己我谂我哋 会係永永远远嘅好朋友、好知己而对于担当呢一个角色，我越来越有信心
而家谂返，我会好庆幸由始至终都冇将我 对佢嘅心意表白过而且我越来越发觉，佢好需要我呢个好知己、好朋友去填补一D佢男朋友做唔到分享唔到嘅嘢我喺佢身边发挥咗另外一种功能，有另外一种重要性能够喺佢身边 担当呢一种咁重要的角色，我觉得好开心喺度，我真係好衷心咁祝福佢希望佢揾到佢嘅幸福有更多更多的人爱佢而我呢一个好朋友，会永远守候喺佢身边希望能够睇住佢快快乐乐咁过日子
第37课 张智霖 初哥的长跑比赛(旁白版) (下附音乐网址)http://www.tudou.com/programs/view/4e5MxoUX9BU/由一齐读书嘅时候开始，我同佢已经好投契咯了，读书啦、打ball啦、去玩啦，好多嘢都係一起做一起去经历，我哋乜都倾乜都讲，佢可以话係 我最好最好嘅知己。喺好多其他人眼中都觉得我哋应该係一对情侣，但由始至终，我哋都係保持住好朋友、好知己嘅关系。
其实呢，有阵时我都唔能够分清楚，自己对佢嘅感情，係唔係友爱咁简单。唔知由几时开始，我已经将自己嘅所有感觉，捞埋嗮一起。我知道我对佢嘅感觉，已经唔再係好似以前咁简单，
唔知係我掩饰得好啊，定係佢 真係对我一d感觉都冇呢？佢并无发现，我对佢嘅感觉已经唔同咗。而我，亦都唔想去冒险，去破坏我哋之间嘅关系。喺我心里边，我只係想永远喺佢身边呵护佢，喺佢唔开心嘅时候安慰佢，我甘愿去做呢一个好朋友、好知己嘅角色。
第38课 张智霖 犹豫(旁白版) (下附音乐网址)http://www.tudou.com/programs/view/256eTE2kt-4/为咗逃避你，我每日都去热闹又挤逼嘅地方，呢个世界，逃避本来就係一件最难嘅事。其实避债唔难，逃避责任都好容易，只要去到一个了无人烟的地方，就可以了。但係，要完全避开你，真係好难。
我试过好多方法嘅了，但係都冇用，即使我将你同我一起嗰阵，啲所有嘢都用封箱胶贴封实噻，将佢哋收埋喺最唔容易攞出来嘅地方，但係，你喺我心里面嘅印象，仍然係难以磨灭嘅。我始终唔可以控制到我嘅思想唔再去谂你。喺寂寞过后，我尝试走入呢个热闹挤逼嘅角落之中，听到，有阵热又浓的音乐，同埋一个个黑暗嘅身影，随住音乐嘅节奏，令我可以整个人投入紧呢一种思想 停顿咗嘅气氛里边。呢度係一个收买记忆最好嘅地方。虽然我知道当音乐一停，当四围嘅灯光一着，我的思想，又要重新启动。但係，呢个係我逃避的唯一、而且 係我试过最好嘅方法。
第39课 张智霖 四面埋伏(旁白版) (下附音乐网址)http://www.tudou.com/programs/view/_QyOQqgPDi0/面对自己喺呢一段感情嘅结局，其实真係好难受，实在係好想结束呢一种痛苦。我从来都冇试过咁强烈要求自己去结束一样嘢，今次，可以话係第一次。
不过呢一种失落嘅感觉，并唔係你话要结束 就可以完，佢始终都係无休止咁徘徊，唔肯离开。不过，我已经越来越麻木咯了，我慢慢开始觉得，已经无咁辛苦。
好彩呢一种咁差嘅感觉，係会慢慢咁淡落来咯，好彩佢会慢慢咁完结，我亦都慢慢咁企返起身。
今日我开始明白一个道理，都係多得你教识我，而家，我再冇兴趣追寻一套永远做唔完嘅电影，亦唔会去谂办法参加一个永远唔会完结嘅舞会，因为，有阵时完结，反而係一件值得开心嘅事。
而家我已经做好嗮心理嘅准备，唔再怕身边任何嘅埋伏，因为，我接受咗，任何事，都会有佢完结嘅一日。
第40课 张智霖 戒掉命运(旁白版) (下附音乐网址)http://www.tudou.com/programs/view/ShtA1n0K9ZA/我响度继续逃避，辛辛苦苦，我发现始终无人可以帮到我，只有我自己，至可以帮我冲出呢一个重重围困嘅局面。我实在忍受唔住俾你嘅阴影四面压逼嘅滋味，我需要休息，更加需要解脱。
我知道呢个係感情世界上最难战胜嘅一关，但无论如何，我一定要抢夺返自己返来。我要打开我嘅心门，俾今日嘅一切重新再闯入来，至可以逼走，我唔想要嘅记忆，我要专心响呢一分钟嘅事上面，唔可以再俾机会你控制住我。
而家，我知我仍然冇办法忘记你，但係我开始唔再恐惧你喺我生活中闪现。因为，你再冇资格成为控制住我情绪嘅阴影。
而家我一个人，对住乜嘢场景都唔怕，你只係属于我生命入边，比重不多不少嘅一部分。我知，要完全解开呢个心结，都仲未可以。但我相信，有朝一日，我一定可以成功，将自己嘅死穴冲破。
第41课 张智霖 失意忘形(旁白版) (下附音乐网址)http://www.tudou.com/programs/view/sNztJTHN3wo/有冇一套电影係永远都唔会有结局咯？故事永远都继续咁发展落去嘅？如果有嘅话，我好想成为戏里边嘅主角，将属于自己嘅故事永远咁延续落去。
咁，又有冇一个舞会係永远都唔会完嘅？如果有嘅话，我就一定要参加，就算係天昏地暗，我都要置身其中，成为舞会中嘅一分子，喺舞池嘅中间 唔停咁跳舞。
我真係好讨厌“天下无不散之宴席”呢一句说话，因为我最讨厌嘅，就係结束嘅感觉。所以，当我知道一段感情唔能够继续落去嘅时候，我就会觉得好失落。
往事就算几咁美丽，一反过来，总係会变得好丑陋，最后，都只係会变成，一啲痛楚。其实都係你，因为你选择咗结束，令我咁多年嘅心血，化为乌有。
你真係好狠心，我最讨厌结束，而你就偏偏选择结束我哋嘅感情。除咗一大堆感情垃圾之外，而家，我觉得自己好似乜都无嗮咁。
第42课 羽翘 待你差只想你怕(剧场版) 上今年日本嘅天气特别暖 樱花亦都开得特别灿烂我记得你讲过 樱花瓣飘落嚟嘅速度 係每秒钟五厘米你觉得好浪漫 好想同我去日本睇一次樱花我闹你无聊 所以一直都冇同你去所有人都好羡慕我 可以有一个好似你咁锡我嘅男朋友无论我对你点过分 呢两年嚟 你都冇对我发过脾气事实上 喺你身上 我真係稳唔到任何缺点我之所以对你咁差其实 係想你离开我 减低我嘅内疚
有日放工 同朋友去饮嘢你打嚟 仲话等紧我返嚟提前同我庆祝拍拖两周年纪念我听完 只係讲咗句“得啦” 就收咗线果晚返到屋企餐台上面 除咗两碟冻晒嘅牛扒之外仲有一个蓝色嘅礼物盒里面 有一个指南针钥匙扣同埋 一封信
第43课 羽翘 待你差只想你怕(剧场版) 下忘情公园真係好大嚟睇樱花嘅人 特别多大部分都係情侣我望住公园两旁嘅樱花树 一直咁行可能睇得太投入嘅关系竟然唔小心荡失咗路于是我谂起你送俾我果个指南针钥匙扣 同埋封信嘅内容“对唔住 我真係等唔到你返嚟同你一齐两年 俾唔到咩快乐你只係不断咁增加你嘅内疚所以 我选择咗离开当我唔係你身边嘅时候 万一你荡失路都希望呢个指南针可以帮你 揾返 你想要嘅人”呢个时候 一阵风吹过我终于亲眼见到一堆粉红色嘅花瓣 喺我面前飘落嚟原来 呢个情景真係好靓 好浪漫可以嘅话 我好想亲口话你知原来 樱花瓣飘落嚟嘅速度真係好似你讲咁嘎 每秒钟 五厘米但係 比起我嘅眼泪流落嚟嘅速度 慢得多呢一刻 我终于知道 我真正爱嘅人 係边个
第44课 张学友 给朋友(剧场版)2003年12月从朋友口中知道你已经离开心里面痛咗一痛面上搵唔到适合嘅表情去表达我自己做完嘢之后，我自己揸车返屋企觉得特别冻。啊，原来冬天已经黎咗啦
一路上，我见唔到一个人或者一架车特别觉得孤独，打开收音机只係重覆听到报道你离开嘅消息我望出车外边，觉得天色好黑，真係好黑
今日返屋企嘅路，好似特别长咁终于我都返到屋企啦，你呢？(致最爱的梅姐)
第45课 关心妍 你有心(剧场版)我係咪等紧电话？我等紧边个 我仲有边个要等？如果你而家打嚟 来电显示係咪见到你幅相？但係 出咗呢部机之后 我已经冇见过你好彩 呢部机 冇影过你嘅相
老师喺张纸上面点咗一点问个学生：你见到啲咩啊学生话：我见到个黑点老师话：点解你唔可以倒转嚟谂 我见到好大块好大块嘅白色
我宜家唔得闲听你嘅电话请你留低你嘅口讯同埋电话我会尽快复返你（英文）喂……你仲喺唔喺度
第46课 马德钟 爱你有罪(剧场版)如果我可以爱上另外一个人，问题就己经解决。
你同佢嘅嘢，其实我一早知，但我一直话俾自己听，呢D係你嘅历史，无论你做咗任何事，出现咗任何问题，甚至对我哋之间，造成咗几大嘅伤害，我都相信，你有你嘅苦衷，你有你嘅难言之隐架，但直到我问你，你到底爱嘅係佢，抑或係我，你竟然答我，唔知呀！
你嘅幸福，我都係交返俾你自己决定。
第47课 文恩澄 同床异枕(剧场版)一生人，三分之一时间，放喺张床上边。发过咁多场梦，我冇打算记住。落床之后，有好多嘢等住我去做。啊係啊，你床头果张相呢，唔係好似你啊，起码，佢识笑啊。
你想将一晚 留几耐啊？你想，留住我几耐啊？
我今晚，想见你。
第48课 小雪 其实我介意(剧场版)女：有人话 爱一个人嘅时候 就会接受佢嘅全部 包括 佢嘅优点 同埋缺点
男：有人话 爱一个人嘅时候 就会愿意为佢改变 包括 自己钟意嘅 同埋唔钟意嘅嘢
女：其实我好愿意 接受佢嘅一切 但係点解 喺某啲位置 我仲介意呢男：其实 我好愿意为佢改变 但係 点解係某程度上 我仲会介意女：係咪我唔够伟大男：定係 我哋嘅爱情 唔够伟大
第49课 王菲 雨天没有你(剧场版)開始聽到雨聲嘅時候 仲以為自己發緊夢 到知道真係落雨 至發覺自己原來已經醒咗勒 唔……落雨嘅夜晚 一切都有新嘅感覺一切都令我好自然咁再想起你唔……想起你同我嘅 每一個片段
有你喺我身邊 雨聲都好似一首歌
但係得我一個嘅時候 唔…有你嘅雨天 叫做浪漫 冇你嘅雨天 叫做憂鬱
不如唔好訓住 等你過離搵我
想訓都訓唔著啦 落緊大雨
點都好 其實我好想你知道 “我掛住你”
曾經讀過一本小說 裡面有兩句係咁話嘅：嗯……“雨天沒有你 便不是雨天”我睇嘅時候唔係好明 而家我知道點解勒……
第50课 林峰 爱在记忆中找你(佘诗曼+林峰?精彩对白剧场版)第19集29:31 (下附音乐网址)秀风：呢只嘢仲郁得嘎振邦：试吓妳咪知咯，上车。揽实啊！有架私家车嘞，搭车钱都慳返秀风：估不到而家连价都识讲喔振邦：哽係啦，我仲有好多优点架，慢慢发掘啦
秀风：喂你睇下果只纸鸢几靓振邦：边只啊？秀风：咧条尾好长果只啊振邦：你想要啊？秀风：你仲有钱乜？振邦：如果你想要嘅话，就算天上边嘅星星都帮你摘落来啦 等我一阵
振邦：过来啦秀风：你摞架单车去同人换啊？振邦：是啊秀风：咁你咪好蚀底？振邦：氹到你开心喔，蚀底有乜所谓嗻振邦：来试下啊秀风：好啊
振邦：摇摇摇……收收收……秀风：啊……
振邦：今日玩得开唔开心啊？秀风：OK啦秀风：不过如果 多扎花添咧，就仲开心啲振邦：真係？秀风：你唔係谂住送俾我啊嘛？你身上得返三蚊嗻 你冇送一支俾我咁寒酸啊振邦：唔会，我送晒成档俾你都得秀风：哼，点送啊，抢啊？振邦：我讲一句说话就得嘎啦秀风：一句说话？振邦：睇住啊！(喊)城管来了，快啲走啊小贩：走啊快啲走，摞晒啲嘢……快啲快啲……快啲啦……走快啲喂
振邦：荣秀风小姐，咁而家够开心没啊秀风：我今日先至发觉原来你个人都几无赖嘓喔振邦：为咗你，仲无赖啲都仲得
http://www.tudou.com/programs/view/Otk3mKXAzM8
第51课 李克勤 留多一分钟(剧场版)男：Daisy呀，我哋第日開一間畫廊 同埋露天咖啡室?女：我哋仲會喺赤柱咩？男：我買起晒成個赤柱架！女：喂，個監獄…男：個監獄咪變為畫室囉！女：好呀好呀！Ricky呀，咁我到時 可唔可以上台唱歌呀？男：可以，起碼都有一個觀眾啊嘛女：哈??男：我囉！
女：Ricky呀，你係咪真係好想去法國學畫呀？男：發嚇夢嗻！女：咩呀，冇立亂發夢呀，因為隨時咧 都會夢想成真架！男：我依家最希望嘅咧 就係快D儲多D錢，跟住娶咗你！女：哈，冇D嘢心！你睇吓 隻熊仔都笑你呀！男：佢唔會笑我架，佢係我買来送俾你架嘛！
男：你知唔知我突然之間覺得你好陌生呀！係呀，好陌生呀！女：冇錯，因為我同你嘅距離已經越來越大！男：乜嘢距離呀？乜嘢距離呀？女：我好攰啊！男：咁你想我點嗻？你就算想我改你都要話比我聽點樣改法架 係咪呀？你想我點樣改呀？女：改變嚇我哋之間嘅關係啦！我哋做兄妹 肯定好過做夫妻！男：你咁講係咩意思呀？女：唔需要有任何嘅承諾 冇要求 冇埋怨！Ricky，如果你真係愛我嘅話 你俾我走啦！
第52课 好心分手＋认错(剧场版) （上） (下附音乐网址)乒~~~~~（摔碎瓶子声音）女：点解你次次都係咁噶嗻，你揾次听下我讲得唔得啊。男：咁你有时讲嘢真係好难顶啊嘛，我唔係唔听啊，咁你都要考虑下我嘎。女：考虑下你，我几时冇考虑过你呀。男：你唔好咁无理取闹得唔得啊。女：我无理取闹，好啊…咁你自己讲晒佢咯。男：你好烦啊。女：哼~~你话我烦，OK 咁我以后唔会再烦你啦，我哋分手啦。男：好啊，分啦 分手啦。女：好啊，拜拜。（嘭~~~关门声） ~~音乐~~
男：分手之后 我发现 冇咗你 就好像冇咗成个世界咁，每当我做任何一件事 都会有你嘅身影喺度，脑入面出现嘅都係好多好多同你一齐做过嘅事，依家我嘅心情 真係好难受，好想再见到你，好想 再听到你把声，喺呢一秒种入边嘅感觉就好像抱住你，但係唔知要咁样面对你。
女：原来冇咗你，呢个世界 係咁冻 咁灰，时间 就好像停留咗一样，过得好慢 好慢，唔通我哋咁多年嘅感情就咁就算嘞咩。
~~音乐~~
音乐网址：http://www.tudou.com/programs/view/L1njL4fMlYE/
第53课 好心分手＋认错(剧场版) （中） (下附音乐网址)男：我尝试过去打电话俾佢，但每当我按到佢电话号码最后尾一个数字果阵，我只手指唔知点解点都按唔落去，因为心入面有种感觉，我觉得佢 唔会再理我，唔会再听我讲任何嘢
女：我好想话俾佢知 我好唔舍得佢，但係我觉得我自己由呢分钟开始 已经冇力气去做任何嘢啦，我好想知道 佢心裏面究竟係谂紧乜嘢
男：其实两个人喺埋一齐 最紧要嘅就係互相迁就对方，我记得我曾经同佢讲过，无论发生咩事我哋都唔会分开，点解依家要搞成咁，如果自己可以揾多D时间陪佢，揾多时间听佢讲嘢，我哋仲係咁开心
~~音乐~~~
女：呢晚 我打开部电脑 去听我平时好中意听嘅一个网络电台，今晚嘅心情 真係觉得好失落，可能真係好挂住佢，我好希望可以喺呢度同佢讲声：对唔住，我唔可以冇咗佢，好想佢知道 我依家嘅心情 係几咁失落，我有时真係觉得 为咗面子先至同佢搞成咁，好希望可以通过呢个电台 话俾佢知，我真係 好挂住 好挂住佢。
~~音乐~~
音乐网址：http://www.tudou.com/programs/view/L1njL4fMlYE/
第54课 好心分手＋认错(剧场版) （下） (下附音乐网址)男：今晚 我返到屋企，好自然咁打开咗我部电脑，登录咗佢 平时最中意听嘅呢个网络电台，我嘅直觉话俾我知佢应该喺度听紧，我有好多好多嘢想同佢讲，好想同佢讲声：SORRY，所以我同埋MJ讲 我好想点首歌俾佢，好想同佢讲 我哋发生呢D事我一直都好伤心，我日日都好掛住佢，我好想喺度同佢讲声SORRY，好想佢可以原谅我，希望佢可以俾多次机会我。
~~~音乐~~~
女：当我听到 佢为我点唱嘅时候，我至发现 原来 喺电台度听到为自己点唱嘅时候，果种感觉 係咁奇妙 咁动听，我终于知道 原来佢仲係咁需要我，我谂我都要放低我嘅尊严。
（电话铃响）男：喂…女：喂…饿…係我啊男：係你啊女：係啊，我…我想同你讲，对唔住啊
音乐网址：http://www.tudou.com/programs/view/L1njL4fMlYE/
第55课 张敬轩 Myway(粤语剧场版) (下附音乐网址)http://www.tudou.com/programs/view/hbq0ts7pYIs/?fr=rec1今日 终于嘀起心肝 同自己讲从依架开始 我要放低感情忘记过去 对自己好一啲重新 好好咁去决定 自己将来要行嘅路
每一次 当我遇到挫折嘅时候我都会不停 咁去重复听呢一首歌细细咁去品味 歌词教识我嘅处世道理。
每一次 当我唔开心嘅时候多谢你教识我 点样去调整自己嘅心情一个深呼吸 感觉世界 无限大。
觉得 喺你嘅面前永远都好似一个细路女咁永远都要你去教我 应该点样去行好自己人生嘅道路
当自己 喺人生路上 跌到嘅时候身边总会出现 你温柔 而充满安全感嘅手 将我扶起。
其实 太想拥有一样 自己冇可能会得到嘅东西嘅时候真係应该潇洒嘅同自己说 等风筝自由嘅去飞啦自己一个人 好好做好自己嘅事好好行好自己嘅路，咁就得啦
第56课 梁静茹 分手快乐(剧场版) (下附音乐网址)http://www.tudou.com/programs/view/vXTr0y2zF_8/本来以为，你会好专一咁对我但到咗最后发觉原来唔认真果个 偏偏係你自己唔去怪责任何人 亦无悔任何嘢只可以讲句：我哋根本唔应该开始其实，大家曾经一齐开心过 咁已经係好足够分手 代表住嘅 只不过係呢段感情嘅结束期待住 下一段感情嘅开始
自己唔会太过难过 只係觉得有D唔舍得毕竟自己 都係曾经好努力 咁挽留过呢一段感情只可惜，依然係得到一个 咁令人失望嘅结果对于你对爱情嘅睇法 自己开始逐渐明白但明白 并非代表接受我真係接受唔到呢段 咁错综复杂嘅感情所以 惟有选择放弃
曾经好傻 咁希望自己可以改变到你但係，原来发觉自己真係做唔到惟有默默咁祝福你以后会更加快乐，更加幸福
第57课 Twins 我很想爱他(剧场版) （上） (下附音乐网址)http://www.tudou.com/programs/view/bbaEnyxmVaE/?fr=rec1阿生：对于世界来讲 你係一个人 但係对于某D人来讲 你係佢成个世界阿玲：你 见过三角形咪啊？而家 我哋就係啦！阿成：係呢个世界上 根本就冇人值得你流眼泪，但係 值得你流眼泪嘅果个人 永远都唔会俾你咁样做阿玲：佢哋两个 係好朋友，佢哋两个都係同一时间追我，我拣边个都拣唔落。因为万一 我拣咗嘅话，失去嘅…可能係更好嘅！
阿玲：阿生，都好夜咯哦！不如 我哋返去咯？阿生：好啊…你去叫阿成同埋你妹一起走啦！阿玲：喂，死靓妹 学人饮酒…莹莹：唔怕啦…有阿成喺度啊嘛！阿玲：走啦…莹莹：唔…唔走住啊！仲咁早…阿玲：哎…就嚟冇人管得到你架啦！阿成啊…你阵间送我妹返去啦 我哋走先噶咯哦！阿成：乜……乜你哋 唔係同埋我哋一齐走咩？阿玲：唔啦！你哋都冇咁夜啦…
第58课 Twins 我很想爱他(剧场版) （下） (下附音乐网址)http://www.tudou.com/programs/view/bbaEnyxmVaE/?fr=rec1莹莹：成啊……你中意我家姐D乜啊？阿成：中意乜嘢都冇用啦！你家姐而家根 根本都唔中意我…莹莹：喂…冇饮啦！已经饮咗好多噶啦！我哋都係走啦！(开门声)做咩饮咁醉哦！仲要我扶你返屋企，喂…我係莹莹啊！我哋唔可以咁架！阿成：其实 其实我好爱你架…你知唔知啊？ 比我任何嘅嘢都要多啊！俾我啊…俾我啊…俾我啊…莹莹：喂…冇啦…唔好啊…喂…走啦…唔好啊…喂…走啦…唔好啊…
莹莹：只要我有嘅 我一定俾 因为 我爱你
(敲门声)阿玲：喂…起身哪…起身食早餐 之后仲要见我阿爸阿妈架莹莹：家…家…家姐…你…阿玲：点解你会喺度架？阿成：哎…边个啊？阿玲…阿玲…阿玲…
阿成：阿玲，你听我讲啦！寻晚係你阿妹……“啪”阿玲：我叫你送佢返去 你就去搞佢？OK…我以后唔该你对佢好D啊……
阿生：唔好走啊！俾我望多你一眼阿玲：俾你留到我 又有咩用啊？我爱果个……唔係你啊！莹莹：唔好走啦！俾我再望多你一眼阿成：你 以后唔好再揾我…我唔想再…见到你
第59课 杨千嬅 可惜我是水瓶座(粤语剧场版) (下附音乐网址)http://www.tudou.com/programs/view/M8RGT48H2ss/?fr=rec1上机之前，收到你嘅短信你话仲好爱我，叫我冇走但係 既然你已经唔爱我又何必再呃我呢
曾经 你同我讲过我绝对唔可以冇咗你即使失忆，你依然係我嘅最爱点解到咗而家，你又咁对我了啊
曾经，尝试过原谅你 接受你为了失去嘅快乐，而挽留一切可惜 你总係会令我失望直到今日，眼泪已经流干即使唔舍得 我又可以点样啊 你话我知啊
原谅我啊……留低 只会令我更加心碎
第60课 王光良 童话(剧场版) (下附音乐网址)http://www.tudou.com/programs/view/CdYqpa0MZ8U/童话故事中嘅公主 同王子 都係虚构噶就好似我同你一样 係没办法 走到现实噶
你记得，你话要做我嘅王子吗在你我努力虚构嘅爱情故事呢个童话故事当中好努力 好努力咁样生存
幻想住 公主 唔会为王子而流泪幻想住 公主骑上 王子嘅宝座/保障，永远 永远 唔会被王子伤害幻想住 我们嘅梦 不会被碎 而粉碎
但係，现实嘅恶魔 始终从王子手上 抢走咗公主童话故事D嘢 一啲都唔完美，全部都係骗人噶
你唔会係我嘅王子王子唔会令到公主哭噶，而你 却令到我哭王子唔会放弃公主噶，而你 却放弃咗我
第61课 eo2 内疚(剧场版) (下附音乐网址)http://www.tudou.com/programs/view/Q-IEd9HP9_Y/?fr=rec1女：终于 都行到呢一步啦！我谂我哋冇得返转头了男：一份爱情 最重要嘅就係信任，依家 我做嘅嘢都冇用啦
男：唔係每一件事都係你谂得咁简单架，或者会有其它原因呢女：够啦我受够啦！我曾经一次一次咁相信你，但係你俾我睇到D乜嘢啊！(摔瓶子声)
(按号码打电话声)女：我已经好辛苦，分手啦！男：我知道 自己冇藉口可以留住你，对唔住。
女：我话过，当我嘅耐心用完，我就会离开 永远咁离开。男：点解人永远都係要等到失去 先懂得珍惜，我好掛住你啊！
女：呢度係电话录音，请留低你嘅口讯啦男：你走咗 我先明白 乜嘢係内疚
第62课 吴雨霏 分手要狠(剧场版) （上） (下附音乐网址)http://www.tudou.com/programs/view/sGcctTGR3es/女：俾个解释我啊男：解乜释嗻，你跟我果阵时讲到明噶女：好啊，我宜家就同果个女人死过男：返来啊女：行开啊男：我哋分手
男：小婷，阿凡 真係值得你咁为佢咩？唉，你都係唔好饮啦，call阿凡出嚟咯女：你Call佢，我就走男：男人见异思迁嘅嘢 其实好正常噶咋女：呵……如果爱情有得补考，我一定唔会再作弊男：好明显作弊果个唔係你啦女：至少喺佢世界入边，我先至係出猫果个啊！如果唔笃穿佢，或者我仲係佢屋企训紧觉！係喔，你之前 都追过我噶
男：早…早晨啊女：早晨男：我…我唔话俾阿凡知噶女：无所谓啦男：咁…今晚女：今晚咪去返琴晚噶度咯，今晚先算啦
第63课 吴雨霏 分手要狠(剧场版) （下） (下附音乐网址)http://www.tudou.com/programs/view/sGcctTGR3es/女：失去咗爱情，就会变到 冇任何寄托。你会将仅有嘅时间 去凝固呢个伤口，不如将时间 停留喺呢个堕落噶街头
男：我…係唔係你报复嘅工具啊？女：咁你以为我哋之间 会有啲乜男：起码，我係真噶咯女：阿凡之前都係咁同我讲嘎啦男：今晚 再去我屋企，好唔好啊女：好啊
(电话……)男：哎…咦？小婷嘞？男：喂…边个啊？阿凡：喂，你死仔仲係度训啊，啱先喺你楼下啊，听讲 有条女喺你楼顶 跳咗落嚟喔男：你係唔係阿凡啊？阿凡：係啊，你训懵咗啦？男：你…你睇下条女，係唔係 係唔係小婷？
女：阿凡，你觉得我分人点啊？男：几好笑啊女：仲有咧男：嗯……做朋友的话 一流啦女：咁…做女朋友呢？男：额……
第64课 Boy’z 死性不改(剧场版) （上） (下附音乐网址)http://www.tudou.com/programs/view/wPCoNb19loQ/?fr=rec1阿男：阿静啊，你可唔可以听我说啊？阿静：噫…呢排好像有部新片上映啊，不如我们去看咯。阿男：哈？但係我……阿静：去啦！今晚喺电影院门口等，不见不散，拜拜…
阿静：噫…看来 你仲心急过我啵！咁早到嘅？阿男：我有嘢想同你说啊阿静：仲未够钟开影，不过我哋去买啲嘢吃咯。阿男：你听我说啊…阿静：我唔听啊！阿男：我已经唔钟意你啦，我们做返朋友啦阿静：我唔得啊，你可唔可以当冇讲过，我可唔可以当听错啊？我知你好爱我嘅，唔係 你都唔会咁早到啦 係咪？阿男：唔係啊，你醒下啦。我仲有哋嘢做啊，走先啦。拜拜…阿静：冇啊…
第65课 Boy’z 死性不改(剧场版) （下） (下附音乐网址)http://www.tudou.com/programs/view/wPCoNb19loQ/?fr=rec1朋友：你咁急CALL我出来乜事啊？你说下嘢啦？你唔讲嘢，我唔知点帮你噶。喊啦 想喊就喊出来啦，喊完就没事噶啦……阿静：点解佢要离开我啊？我究竟做错咗啲乜嘢？佢知唔知我好爱佢噶？朋友：你同阿男 散咗啊？阿静：嗯……朋友：佢唔要你，係佢走宝嗻。
阿静：唔係，冇呃我，冇再氹我啦。朋友：冇咁啦，就算你依家咁，佢都唔会回来你身边噶啦，你又何必执着呢？阿静：我依家可以点啊？我乜都冇啦。朋友：边个话你乜都冇噶？就算全世界都唔要你 唔理你，你都仲有我呢个好朋友。
旁白：分手 固然係最唔想面对嘅事实， 但係千万冇去逃避，唔係嘅话，你失去嘅东西 将会更多。 冇认为分手 就等于世界末日，因为仲有好多 美好嘅嘢 发生喺你身边。 对爱情 都冇太过执着，咁样 只会令自己更加伤心。 如果你想喊，就要痛痛快快咁喊出来。话唔定哭完之后，你会睇得 更加清楚。
第66课 徐若瑄 爱笑的眼睛(剧场版) （上） (下附音乐网址)http://www.tudou.com/programs/view/-OvBu8sEMMo/?fr=rec1(电话响)男：喂！死去边啊你？玩分手係咪啊？女：……(收线)
(电话响)男：点啊？喺边度啊？我过来接你喇女：我D嘢 你帮我(等)晒佢啦！男：你係咪玩嘢啊你…女：(主动收线)(开始哭)555…
(开门声，男人累的语气)女：返来拉。咁夜返 都唔先打个电话返来嘅？男：咩啊？有意见啊？哎…女：我有嘢同你讲啊…男：有咩听日先讲啦…女：我有D唔舒服啊…男：死得未啊…A…咪讲咁多，摞两千纹来先。女：我得一千蚊咋男：吓？一千咋？A 係好啦好啦好啦摞住来先啊…女：但係，我听日要睇医生啊。男：得啦，未死得就得啦係…好啦好啦好啦 听日同你去睇啦。诸多事！女：……男：你仲一碌木咁企喺度做乜嗻？去校水俾我我冲凉啦…冇喱醒目。
男：喂……女：我依家喺医院啊，你快D来啦。男：唔得闲啊，行唔开好多嘢做啊，你自己搞掂啦咁大个人，係咁啦係咁啦…(收线)
第67课 徐若瑄 爱笑的眼睛(剧场版) （下） (下附音乐网址)http://www.tudou.com/programs/view/-OvBu8sEMMo/?fr=rec1男同事：喂，你老婆啊？男：闸住。你咪乱讲添啊，我当佢工人架咋男同事：好心你啊 唔钟意人就咪害人啦。男：你咪理啦，有咁嘅女人帮你煮埋饭洗埋衫仲想点嗻？哈 掉翻转 你扑倒要啦男同事：顶你唔顺啊男：喂系喇 话时话，你成日提起佢。你好似好关心佢咁喔 係咪睇岩佢嗻？如果係 就摞去洗啦 有咩所谓嗻 大家兄弟係咪先哈哈哈哈……男同事：费事睬你啊，冇你咁贱男：哈哈哈……讲笑嗻，洗乜咁认真噢男：喂喂…依家有一千蚊喺袋去边度威先？男同事：你自己去威饱佢啦费事陪你癫啊……(离开)男：喂喂…係咪咁倾计啊？喂……(同时电话响)男：搞乜嘢啊？又打来，真係…嘘男：喂，又咩事啊？女：我…我真係好惊啊。等紧医生嘅检查结果，你可唔可以来陪下我啊？男：惊乜鬼啊？唉…都唔得闲喇真係好烦啊你知唔知嗻？女：但係我真係(对方收线打断说话)同时男说：係咁啦。(收线)女：好惊啊…(哭)555……
医生：恭喜你噢，你就快做妈咪喇
第68课 卫兰 大哥(粤语剧场版) （上） (下附音乐网址)http://www.tudou.com/programs/view/C3OTC5t4XiM/?fr=rec1男：喂，我近来 识咗个女仔，笑起来 好sweet 好鬼死Q嘅嗻。女：啱你啦，你最钟意D可爱型嘅妹妹仔架拉男：唔通 学你咁好咩，男人婆 粗粗鲁鲁，有鬼人钟意你噶。女：你係唔係想打啊，我好差咩，你知道我冇人追?
(电话响)女：喂……男：喂，失恋啦！出来 劈下酒 陪下我啊女：都唔係第一次噶啦！唔想出啊，费事听你喷啊男：喂，係咪兄弟先？兄弟 依家有感情烦恼啊！係咪 揾个人陪下 都唔得啊女：係兄弟嘅话你就同我收线，我训啦！(挂电话)
女：做咩啊，想为情自杀啊，人出酒你出命。男：又话唔出来，都话你口硬心软噶啦！来 係兄弟噶 同我队咗佢。女：队咩嗻，你饮醉啦！来啦走啦，我送你返屋企啦！
第69课 卫兰 大哥(粤语剧场版) （下） (下附音乐网址)http://www.tudou.com/programs/view/C3OTC5t4XiM/?fr=rec1男：返咩屋企嗻 我冇醉啊！点解你哋D女仔个个都係咁嘅嗻？ 成日话我哋唔明白你想要D乜嘢。OK 性格不合 分手就分手啦，有乜咁大不了啊！ 其实 我都为佢付出咗好多噶。点解啊？点解冇人明白我啊？ 唔通想揾一个自己钟意嘅人，真係咁难咩？来…俾多半打啤酒过我。女：你係咪咁啊？咪咁啦，失恋嗻嘛好小事嗻，听日训醒觉揾过个係啦男：你识乜啊？你哋男人婆 拍过拖啦咩？你知唔知咩叫爱情啊？你试过失恋咪啊？女：係啊係啊，我咩都唔识。 我知道我唔想 见到我钟意嘅人因为失恋而自暴自弃 放劈自己嗻。 算啦，你都係唔明我讲咩噶啦！你自己钟意饮嘅话就队饱佢係啦！
(电话响)女：喂……男：喂……Sadie啊，sorry啊，果晚饮大咗 乱噏嘢。 你唔会记喺心度过呵？至于你最后同我讲嘅果D嘢，我谂你 都係同我讲笑嘅嗻。 我一直当你係阿妹 你知道噶。况且以我咁嘅条件 你点会钟意我先得噶。女：係 哽係啦！我哋永远 都係最好的兄弟啊嘛！係咪啊 大哥？
第70课 郭富城&袁洁莹&黎姿 天涯凝望(剧场版)（上）辉：一直以嚟，喺我嘅生命入面，都冇乜好大嘅难题。 除咗细个嘅时候，屋企穷D之外，其他嘅际遇 都算得上 得心应手。 特别係我读到医科，做到医生，又识到阿风嘅时候；令到我嘅事业同埋爱情 都好似好完美咁。 讲真，我真係觉得上天对我不薄架！ 但係正当我想为生命喝采嘅时候，命运就开始改写……风：识咗阿辉几年了，我哋一直都相处得好好。 因为我哋有共同嘅兴趣 同埋共同嘅目标。 甚至乎 我哋已经认定咗大家，就好似彼此生命要揾嘅人。 我好钟意阿辉，因为佢令到我 觉得有存在嘅意义。 平时好彩阿辉同我讲：“阿风呀，我挂住你呀！” 正当我回味紧D情感嘅时候，阿辉竟然同我讲：“风，好…好对唔住呀！”
妹：令到阿辉同阿风讲对唔住嘅人 係我，就係我呢个冇心 但係界入咗嘅第三者。 我好痛苦呀……真係好痛苦。 我由细到大 都係生活喺一片死沉沉里面，我对于快乐了解得好少呀。 我一直都係咁样架，自己唔开心唔紧要呀，但千祈冇令到人哋唔开心，但点知，我偏偏就饰演咗呢个角色。
第71课 郭富城&袁洁莹&黎姿 天涯凝望(剧场版)（下）妹：但我真係好钟意阿辉架，因为自从佢出现咗我生命入面之后，我感受到 一份无法解释嘅温暖同埋安全感。 但係咁又点啊，上天俾咗一份温暖我，又似乎要摞返了咯……
辉：突然间，要我面对情感嘅抉择，我真係好乱。 对于阿风，我有份好深厚嘅感情，但係对于阿妹，我又有一种风雨同路嘅共鸣。 唉！点解？两段都值得我珍惜嘅感情，都同一时间出现……风：可能 呢D就叫作错爱！我好爱阿辉，我唔希望佢有咩嘢压力。 如果佢嘅离开，係揾到更多幸福嘅话，我哋点会阻止佢。辉：风，对唔住呀！
妹：其实谂深一层，我唔应该令阿辉咁进退两难架。 况且，我都唔知自己可以支撑係呢个世界入面几耐。 我担心呀，我每日只能令到呢段感情天长地久，我係咪应该 踏出至啱呢?辉：陷入三角嘅感情，我知道係好难两全齐美，我除咗感到好无奈之外，我都唔知讲D咩嘢好。 其实天大地大，究竟有边一个知道我内心嘅挣扎。 今日我一个人孤身上路，但係喺夜阑人静嘅时候，我思海里头，都会浮现出佢哋嘅声音，同佢哋嘅。
第72课 杨斌 忘不了(2007剧场版)今日係 2007年嘅2月3号分咗手嘅两年 我都係咁挂住你。望住窗外嘅大雨 又令我谂返起，同你一齐走过 6年嘅日子。
成个广州咁大，去到边度 我都会谂起你。到底 你有冇后悔过同我分手。我从来都冇计较过 你对我有几好，但係 点解我会做呢个傻瓜。我爸爸同我说，好彩我係傻咗6年，唔係傻咗一世。你知唔知啊，我真係好挂住你。我唔知道你依家点，我真係好想知道你嘅近况。点解 点解你连一个电话 一个信息都冇俾过我。
我知道 爱一个人 係唔可以计较付出同埋收获嘅。最起码 俾我知道 依家 你幸福快乐 我就已经心满意足了。喺未来嘅日子入边 希望你过得幸福，希望你开心，希望你愉快，我就会好开心，我真係会好开心噶。原来 爱一个人，见到她开心同幸福就已经足够了。
应承我，好好保重自己，好好爱你嘅先生。我会将 我哋嘅呢份爱 永远都收埋喺 内心心底 最深处嘅地方。祝你快乐！
第73课 断点＋蓝色生死恋＋很爱很爱你(剧场版) （1/6）如果一个人嘅初恋 好沉闷，唔知 算唔算好奇怪咧？高三果阵，人哋 仲忙到昏天黑地，我父母 就一早帮我办好咗 出国手续，只要等我攞到毕业证 马上就可以去美国。我哋班 有个人称大P嘅男生 特别识讲嘢，一般播音时间 係早自习“体育快递”，课间插播“时政要闻”，午间嘅时候 就係“评书连播”，晚自习嘅时候 係“ClassicalMusic”，但係 每次考试 佢总係有本事 去到前几名。班主任 冇佢符，唯有 将佢排喺最后一排，同我呢个“逍遥人”一齐 “任逍遥”。
果个时候 大P又黑又瘦，而且面目狰狞读英文嘅时候 就好似《狮子王》入边果只土狼 背紧古诗咁。真嘅，后来 我哋行动物公园嘅时候，马骝见到佢 都吱吱吱咁乱跑。
第74课 断点＋蓝色生死恋＋很爱很爱你(剧场版) （2/6）啱啱同我一台嘅时候，有日晚自习，佢大声咁唱 《我的太阳》。我就喺一边 饮紧可乐，唱到最高音果啪 他突然之间拎返转头问我一句：我把声正唔正啊？我含住嘅可乐差唔多全部喷晒出嚟，激到我 揼咗佢几阿下。佢就好似冇事咁，话我打人嘅姿势唔啱，所以唔够力 唔够狠，我就叫佢教我喇，他几认真啊，仲叫我摞佢做靶。第二日返学 佢见到我头一句就係话：“十三妹，琴日你打我果几拳 淤晒啊！”一路讲，一路腊高只袖俾我睇。
后来我谂，呢段感情 大概 就係从呢度开始了挂。之后大P就一直叫我“十三妹”。
我同佢嘅交情 喺相互诋毁同自我吹捧嘅主题之下 愈加巩固。就好似两兄弟咁横行高三，要几默契 有几默契。
第75课 断点＋蓝色生死恋＋很爱很爱你(剧场版) （3/6）我听过一种说法：“每个人 都係一段弧，可以啱啱好 合成一个圆圈嘅两个人 就係一pie”，果个时候我特别相信呢句话。我越来越觉得 其实我同大P嘅本质係一模一样嘎――简单 直接，毫无避忌。我自信 我俾任何人都了解佢，因为佢根本就係我嘅翻版。有一次 我同大P讲：“喺高三，我好似挨咗一世啊。”我冇理到佢 死咁叫我“天山童姥”，我心入边，突然之间闪过咗一个念头 呢个念头 关乎天长地久。
果年高考之后，大P考咗入北大。而我 啱去到洛杉矶，隔离间中餐馆 就发生咗爆炸，我屋企 半边墙都冇咗。之后 我搬屋，办咗一年休学，发咗封E-mail话俾大P，入边 只係得三个字“我搬咗”，我冇话俾佢知我新屋嘅电话。
第76课 断点＋蓝色生死恋＋很爱很爱你(剧场版) （4/6）新屋嘅邻居係一对聋哑夫妇，屋企嘅菜园 係成个街区最好嘅。佢哋 成日送啲新鲜嘅蔬菜过嚟，我吖妈煮好咗就叫佢哋过来吃。我从来冇见过 咁恩爱嘅一pie，有时候 佢哋打手语，我望住望住 就会谂起果个圆圈 谂起大P，心入边 有一阵痛。我买咗本书，用咗一个秋天 自己学识咗手语。就咁 我慢慢咁 进入咗呢个毫无声息嘅世界。佢哋听唔到，只能够用密切嘅注视嚟感应对方，几咁平和从容。呢个 係永远唔会安静嘅大P 唔会理解嘅世界。
我得闲无事，除咗陪下隔离屋 练下手语之外，就係三头两日咁 去篮球场跑，帮大P 收集NBA球星嘅签名 或者係寄去最新嘅卡通海报俾佢，感动到佢喺E-mail上 连写咗十几个P，而且 仲同我讲 佢追紧一个女仔。我喺电脑嘅前边 发吘逗咁 坐咗一个下昼，反反复复咁同自己讲一句：冇喊，冇喊，有咩唔好喔。但係 到咗食晚饭嘅时候，我已经喊唔出了。
第77课 断点＋蓝色生死恋＋很爱很爱你(剧场版) （5/6）再向后讲就係春天了，我仲係老样子，只不过 手语已经好professional了喔，大P喺我呢个“爱情导师”嘅悉心指导下，亦都已经初战告捷。我谂 只要佢开心，我就应该开心 咁 我先至係佢嘅好兄弟。纽约交响乐团要嚟演出，我瞒住父母 帮人哋剪草坪，剪咗一个月 先储够门票。我偷偷地 将小型嘅录音机带咗入去，帮大P 灌咗一张现场版嘅 Classical Music。大P回E-mail嘅时候就话 我剩係顾住听音乐会，第一张碟录完咗都唔知，漏咗成大段。我心入边讲“对不起对不起”，眼泪 又流咗出来。
6月份嘅时候 我返北京，大P啱啱好参加辩论赛 决赛。我唔想俾佢知道 我返咗嚟，静鸡鸡 鑽咗入去。一年了 佢变得似返个人样，总结陈辞嘅时候 所有人 都又笑又鼓掌，因为佢发挥得好好。辩论赛结束咗，大P赢咗。落场嘅时候 我见到一个生得好清秀嘅女仔 笑住向佢迎咗过去。
第78课 断点＋蓝色生死恋＋很爱很爱你(剧场版) （6/6）返美国之后我嘅信箱入边有两封信係佢sam俾我嘅。第一封信话 佢喺辩论决赛场上边睇见一个人 同我简直一模一样，但係佢叫十三妹 果个人冇理佢，所以应该唔係我，不过可以似成咁，真係神奇。第二封信话 佢宜家嘅女朋友 好好，但係总係感觉 俩个人之间隔住D嘢，问我 点解我同佢 可以咁直来直去？
我係电脑入边 打咗封回信，话俾佢听 其实 我先至係佢 另外果半个圆圈，只係 我哋再都冇办法 可以夹成一个圆了。呢封信 我存咗起身 冇发到俾佢。我冇话到俾佢听 我屋企嘅电话。我总係可以好容易咁 攞到NBA球星嘅签名。我瞒住屋企人 赚钱睇演奏会，连盘带录完都唔知。我唔想 俾佢知道我返咗北京，就係咁 我无声无息咁放弃咗我另外半个圆圈。因为，中餐馆爆炸咗之后，我只可以 靠助听器 嚟生活嘞。
第79课 苏永康&陈慧珊 情来自有方(剧场版) (下附音乐网址)http://www.tudou.com/programs/view/IPjQLugj2j0/?fr=rec1苏：情来自有方。连我自己都唔知道 由几时开始钟意咗你。 每日係OFFICE遇到你，虽然同你冇无任何接触，但係你嘅一个微笑 一个眼神，都会牵动我嘅情绪。 喺你嘅眼中，根本 可能冇我嘅存在。 每次听到呢首歌 都不期然咁冧起你，唔知你会唔会冧起我呢？
苏：唔知佢有冇留意 我放低俾佢果只唱片？珊：究竟边个摆只黑胶唱片 喺我OFFICE台面呢？苏：佢一定估唔到只唱片 係我放低嘅。 其实 我剩係希望佢同我一样 都咁钟意呢首歌。珊：啊~首歌真係好听！我嘅女人直觉话比我听 应该 係佢送嘅。
珊：听住呢首歌，我就冧起你成日都攞住一大堆黑胶唱片 经过我身边个嗰傻样。 你每次都行得好快，其实 有时我都想截停你话俾你听 我好钟意 你呢首旧歌。 唔知我嘅直觉啱唔啱呢？只碟 到底係唔係你送嘅呢？
苏：我真係傻啊！人哋都将只碟放返喺我台面咯 唔係个个都钟意听呢首歌嘅。噫？上面有个电话号码嘅……珊：我依家唔得闲听你嘅电话，有乜事就讲低或者迟哋再CALL来啦！苏：仲唔够淤咩 仲有乜可以讲先得嘅。珊：噫！头先边个CALL咧，呢个电话 会唔会係佢打嚟嘅呢？
苏：哦 好彩冇听啫珊：係我啊！我想同你讲，其实 我唔係咁钟意呢类型嘅歌架咋。苏：咁就简单啦！我屋企仲有大把歌等住你 几时过嚟听嗻珊：几时都得噶苏：嗯？
第80课 Twins 风筝与风(剧场版) （上） (下附音乐网址)http://www.tudou.com/programs/view/uJmO8ssqLWE/世界上嘅回形针 实在係太多了！多到唔小心跌咗一个，都唔愿意弯低身去捡。但有一个回形针 喺我心里边 它係最珍贵……大学嘅时候，听讲回形针折一下，可以变成心型。我坐喺教室度 足足整咗一堂课，最后 终于都大功告成，但啲同学见到我 都话我好白痴。咁啱 佢行出来吹风，我摞住个回形针 喺佢面前行过，佢好感兴趣 话以前从来都冇注意过…呢个时候 上课钟响起咗，我顺手将个回形针 扣咗喺佢衫上，同佢讲：第一次嘅成功 送俾你啊！佢莫名其妙咁样耷低头 望下个回形针，我对住佢笑咗下，转身行咗入课室。
第日中午 吃饭嘅时候，我无意中发现果个回形针 扣咗喺佢银包上。他喺毫无准备嘅情况下俾我发现，显然有啲好唔自然，即刻将个银钱包放返落袋 继续排队。
第81课 Twins 风筝与风(剧场版) （下） (下附音乐网址)http://www.tudou.com/programs/view/uJmO8ssqLWE/后来 佢就做咗我男朋友，大学三年里边 佢对我无微不至，用尽所有嘅努力俾我最好嘅嘢。我哋一起 经历咗5个春秋，喺呢5年里边 我哋交换过不少嘅礼物，但係呢个回形针 依然扣喺佢银包上。
第日中午 吃饭嘅时候，我无意中发现果个回形针 扣咗喺佢银包上。他喺毫无准备嘅情况下俾我发现，显然有啲好唔自然，即刻将个银包放返落袋 继续排队。
毕业之后，工作，喺我哋嘅个性越来越突出，我哋不得不分开，选择各自嘅追求同方向。我极力若无其事咁有讲有笑。直到有一天 我哋出嚟见面，当佢买咗一支可乐俾我嘅时候。我霎时发现 果个似曾相识嘅回形针 依然扣喺果度。
係佢，将一个本来唔显眼嘅回形针放喺手上 睇成佢嘅至宝。今日，见到另一个回形针，令我冧返起 本来应该可以忘记5年嘅佢，仲有我扣喺佢衫上边 果一个回形针。
第82课 韦雄 根本你不懂得爱我(剧场版) （上） (下附音乐网址)http://www.tudou.com/programs/view/ewUpvfMdDOI/?resourceId=0_06_02_99?fr=1女：我 识咗第二个男仔啊。男：喔，咁又 点啊？女：我记得你讲过 当我搵到第二个男仔嘅时候，你就会放我走，我而家问你，係咪真噶？男：係啊，你 随时都可以走噶。女：你讲真嘅？男：嗯，你走啦。女：好，你讲噶，你冇后悔。
女：我真係好希望，当时得到嘅 係你嘅挽留，而唔係你嘅无所谓。 三年啦，三年嚟，你都唔知讲过几多次分手。 每一次 都係我厚住面皮咁去求返你。 而每一次，你都话 等到以后搵到第二个男仔嘅时候，你就会放开我。 你真係咁想摆脱我？
男：你出嚟啦，我想见下你啊。女：有咩事 就咁讲啦。男：我而家就喺你楼下啊，你唔落嚟我上去噶啦！
第83课 韦雄 根本你不懂得爱我(剧场版) （下） (下附音乐网址)http://www.tudou.com/programs/view/ewUpvfMdDOI/?resourceId=0_06_02_99?fr=1女：你想点啊？男：你冇走啦 我唔想你走啊！女：你放开我啦 太迟啦！已经过咗两个星期啦，你而家先嚟搵我？男：我以为你讲笑咋。女：讲笑？冇意思我讲真噶，以前你成日想同我分手，依家咪如你所愿咯！我问过你意见噶 我问你係咪真係放我走你话係噶。等我真正放低咗你，你又揾返我 依家你咁算点啊？
男：对唔住啊！我知你唔钟意我有强逼症，我改啊！ 我知喺呢三年入边，因为我个强逼症，你受咗好多苦。 成日忍受我嘅脾气，你对我嘅好 我依家知啦！ 你冇离开我我改啊好唔好啊？
女：算啦你改唔到噶啦！而我依家已经钟意咗第二个 你死心啦！ 我曾经真係好钟意你，谂住只要你改 我会等你。 三年啦！但原来唔得噶，就当我自私啦好嘛！对唔住啊！
女：原本 真係只想试下你。你知唔知啊？我问你果阵，我果心 有几痛啊 ？ 只要你肯留我，我就会陪喺你身边，但係你冇啊！ 我冧 呢个决定，对边果嚟讲 都係好事嚟噶。 希望你真正可以改到你嘅强逼症，可以俾到幸福 你嘅另一半。
第84课 周杰伦&杨千桦 开不了口+勇(剧场版) (下附音乐网址)http://www.tudou.com/programs/view/AB09sy1r8dA/?fr=rec1你知唔知 我其实 係好钟意你噶？你知唔知 你第一次坐喺我隔离 令我有一种 好特别嘅感觉。可能 从果次开始 我已经 钟意咗你。每次上课，老师都话我唔专心。其实，我係度 偷望紧你。但係你，始终都冇 发觉到。喺你生日 前一个星期，你忽然 同我讲话，你好钟意果只 HalloKitty公仔。我谂都唔谂，即刻去买。到你生日果日，我亲手 将佢 送咗俾你。睇住你 好开心个样，我忽然觉得自己 好幸福。果次，我真係好想同你讲：我好钟意你。但係 到最后 都係 开唔到口。
过咗好耐，我忽然 发觉 你同隔离班一个男仔 已经开始咗。睇住你同佢 开心嘅日子，忽然觉得自己 好寂寞。不停责怪自己，点解当初喺你 生日patient上，冇同你讲 我好钟意你，我觉得自己好蠢。
有人同我讲，自己 睇到 自己钟意嘅人 开心 过日子你就 开心嘅啦！係啊！今日我睇到佢同佢好开心，即刻将我果份 对你噶爱，永远 永远收埋喺心入边，直到永远 永远，永远咁 做你身边嘅守护神。
第85课 张震岳 爱我别走(剧场版) (下附音乐网址)http://www.tudou.com/playlist/p/l2605893i89436641.html女：我唔知道 你究竟冇为我担心过？ 其实返到屋企之后，我一直坐喺电话旁边。 但电话一直冇响过 我真喺好无奈 好失望。男：对于缘分呢两个字，可能我哋两个之间 我觉得无话可说。
女：缘 虽然来咗，但是份 却消失得无影无踪。 阿华，你可唔可以话俾我听，你心里边 到底有冇我吖？ 曾经 我有谂过放弃 ，但係点解你 仲要俾我错觉吖？ 其实 你係知我心里边 谂紧啲乜嘢。 无论呢个答案 係肯定 亦话否定，我都会接受。
第86课 余文乐&张燊悦 明知故犯(剧场版) (下附音乐网址)http://www.tudou.com/programs/view/CGnaQlcXXng/?fr=rec1女：我问咗好多朋友 我问佢哋 我究竟应唔应该离开你？ 呵…佢哋问返我一个问题，佢哋问我 我究竟需唔需要你？ 呵…我发现自己，真係真係好需要你，所以我唔可以离开你，因为我会唔舍得你 你明唔明啊 哈？
男：你俾啲时间我啊，我真係会解决噶！女：咁係几时啊？你话俾我知啊？
第87课 余文乐 还你门匙(剧场版) (下附音乐网址)http://www.tudou.com/programs/view/MQJ7bGRrCWY/?fr=rec1老实讲 真係唔知道发生咩事你同我点样开始 点样一齐 我都记得好清楚唯独 你开始远离我嘅时候 我一啲记忆都冇大家 都怕将分手讲出嚟 会伤害到对方既然係咁 今日 我就将呢串锁匙 还返俾你你同我唔想听到嘅嘢 大家 都唔好去讲
我咁做 唔係因为我变咗而係因为 我觉得大家咁样冷战落去 根本唔係办法或者 决绝啲 大家 都会轻松啲唱：是谁差 是谁好 都只怪寄望太高是谁错 重头细数 当天对你好不好难过 隔著电话听不到 而我 也是为你好谁愿意 难看到 朋友都 做不到
对于你同我嚟讲 边个啱 边个错 都好 忘记佢啦能够一齐咁长时间 我都已经好开心啦其实拍拖 就好似係游乐场里边 玩回旋木马咁边个玩到攰咗咯 咪落返嚟咯我只係希望 我哋落返嚟之后 可以做返朋友毕竟 揾到一个了解自己嘅人 并唔容易 你话咧唱：彼此也同时 了解这爱情玩意坐上回旋木马 直到抛开你我为止谈情说爱是那么易 然而共聚无话更易沉迷冷战玩意 我与你也没法医 无谓再医谈情说爱就算轻易 如何话别谁又会知好不过 相拥到 半熟时 还掉你那门匙 也出于好意
其实 我唔想同你散架 因为 我仲好钟意你
第88课 卫兰 大哥(MV版) (下附音乐网址)http://www.tudou.com/programs/view/C6k9Ra9rtws/?fr=rec1男：唉，我又失恋啦女：都话佢唔啱你噶啦 嗱 大家一场兄弟，我下次介绍个好女仔俾你识啊 唔好咁唔开心吖
男：喂…佢揾返我啦，仲约我出来喔 啊…不如买份礼物俾佢咯？送咩俾佢好叻 喂…不如你帮我拣啊
男：sorry啊，我谂我都唔係好啱你
第89课 永远失去(剧场版)(童话改编版) (下附音乐网址)http://www.tudou.com/programs/view/Xlw4QO2JqR4/?fr=rec1喺你離開咗呢個世界之後，我嘅人生 好似變成咗灰色。因為 我知我永遠失去咗你，你知唔知我真係好掛住你…
喺每一個落雨天 我都會好驚，因為好似提醒緊我，你已經唔會再返黎啦！
你可唔可以返黎我身邊啊，我真係 好掛住你。
第90课 周慧敏 孤单的心痛(剧场版) (下附音乐网址)http://www.tudou.com/programs/view/9qebTlzn0eQ/?fr=rec1你知唔知道，永远嘅爱係咩嘢？佢只不过 係一个美丽嘅童话。当故事完结嘅时候，我哋又返返去寂寞里面 去等另外一个故事嘅开始。但係我好想话俾你听，喺我哋童话故事里面 我係曾经 真心真意去爱过你。
第91课 周慧敏 留恋(剧场版) (下附音乐网址)http://www.tudou.com/programs/view/LifUYE4PYpg/虽然你硬係钟意笑住咁望住我，但係唔知点解，喺你嘅眼神入边，我揾唔到自己嘅影子！你唔爱我 呢一点其实我早就清楚，只不过係我唔甘心 唔甘心为你付出咗更多，而你却无动于衷！为咗可以得到你嘅爱，我用尽咗一切方法来讨好你，即使係跌到伤痕累累 亦都在所不惜。
我以为 只要我随时随地喺你面前献殷勤，你就会留喺我身边，原来我错喇～到最后，我依然係个失败者，由此至终，你心入边爱嘅 就只有佢一个，而我只不过係佢嘅代替品，我拥有嘅 只係一场幻觉！你取走咗我嘅世界，留低嘅 就只有悲伤中嘅寂寞，同埋我嘅一份执着！
我已经唔想，更加係冇力气 再去寻找你嘅身影，我努力咁去忘记，关于你嘅一切，但係我越係谂，我嘅伤痛就越係深。其实一切 都只能够怪我自己，如果当初 唔係我过份强求呢一份唔属于我自己嘅爱～我谂我而家 一定唔会咁难过。
直到最后 我先至明白，原来喺爱情嘅舞台上，我只不过係上演咗 一幕属于自己嘅独角戏。
第92课 MP4乐队&张茵 乜野系恋爱(说唱情歌)每个人都有佢哋嘅爱情故事冇人知故事点样开始点样终止缘份要嚟就嚟 冇分喺边个时候话走就走 缘份己经到咗尽头呢样嘢 唔係人人 睇得咁通透经常都会有好多 盲目嘅时候有人为爱可以死心塌地付出一生係咪值得 就见仁见智你自己去谂情同爱 要做出嚟 并唔容易口口声声话爱又领略唔到当中意思情为何物 连诗人读咁多书都唔知未曾体验过 个中滋味点会知係 冥冥中注定亦或係上天嘅安排呢个世界咁大 都可以走埋一齐总觉得 生同死并唔係最远嘅距离而係喺你面前 你又唔知道我爱你
初初一 开始最锺意日见夜见发梦都会见面情话绵绵电话讲唔完发誓 希望两人 热恋直至永远冇谂过 爱情之后变感情嘅局面只係几年嘅感情已经 冇火花出现再勉强喺埋一齐 只会令人讨厌想讲分手开唔到口 咪再优柔寡断搵个籍口 解决咗佢 一刀两断暗恋相恋热恋失恋感情 好混乱太多诱惑而家嘅人好易移情别恋婚外情 一夜情 佢哋玩弄感情三分钟热度之后 忘记晒所有事情其实只要对人 唔係有太多嘅要求爱一个人根本唔需要有太多理由只要真心真意对待 已经好足够姑勿论係曾经拥有 亦或天长地久
第92课 林颐 墨尔本的翡翠(搞笑包车剧场版) （上） (下附音乐网址)http://www.tudou.com/programs/view/EvROZwcuJR8/A：你最近做咩嗻？打电话俾你 你又唔接，发短信俾你 你又唔复，你知唔知我好担心你架？B：E……其实 手机俾人偷去嗲。A：我觉得 你有嘢瞒住我啊。B：冇使担心，我冇事。A：有咩嘢 你咪讲咯。B：我……我钟意咗第个仔嗲。A：乜话？B：我钟意咗第个仔嗲。你睇你啰，我跟咗你几个月。酒你又冇识饮又学人饮茅台，烟你冇识抽又学人抽中华，麻雀你冇识打又学人晒冷。A：(打火机声)哼……佢几多岁啊？B：六十五A：老嘢？？？？B：我就係钟意够老够颓吖。A：佢做咩架？B：做鸭 做烧鸭。A：但係我做烧鹅嘓喔。B：你啲烧鹅烧到窿窿好难食吖。A：冇咁对我啦 红红。B：男人老狗你冇使哭啊我走啦拜拜A：红红……红红……
A：哎……呢个女人 为咗烧鹅离开咗我。唔通 男人真係要够老 够颓先至值钱？？？
第93课 林颐 墨尔本的翡翠(搞笑包车剧场版) （下） (下附音乐网址)http://www.tudou.com/programs/view/EvROZwcuJR8/(电话声……)A：喂，揾边位呢？B：揾啊小烟烟。A：E……红红，你手机 唔係俾人偷咗咩？B：我换咗部诺基亚啰。A：哦……真係有钱呐，揾我有咩事呢？B：只烧鸭佬 抛弃我哋咯，你仲要我冇啰？？A：红红，我等咗你呢句话好耐啦。其实，我一直都喺度等你。我已经为咗你 改变咗好多啦。我依家 已经唔饮 茅台啦改饮三水啤酒啦，我已经唔食中华啦 我依家改食红双喜啊，为咗你我唔打麻雀 我改打锄大地啊。仲有，我依家喺度搞紧D小生意。B：你做咩啰？A：包车啊。B：真个冇？A：係啊，你依家喺边啊？B：我依家喺医院门口啰。我俾部三角鸡啱啱碾过来碾瘸只脚呢。你快打两蚊钱过来睇我啰，要死嘓啵。A：吓？？？好，我依家即刻来。嘟嘟嘟嘟……A：喂…红红 边间医院啊？红红……
第94课 陈柏宇 你瞒我瞒(剧场版) (下附音乐网址)http://www.tudou.com/playlist/p/l2605893i89434067.html(DIY剧场版)http://www.tudou.com/programs/view/VreKY85paFk/?fr=rec1(电话响)女：Ray啊，係我啊 我饮多咗，好辛苦啊 你快啲过嚟接我啊！男：吓，你又饮醉啊？食紧宵夜啊，你自己打的过嚟啦！
女：我…走啦…男：哦女：你…可唔可以送我去车站啊？男：送乜鬼嗻，行上行落 多鬼余噶，你自己落去啦……女：唉……男：乖啦！拜拜女：拜拜
女：Ray啊，呢条头发咁长，唔似我嘓喔 边个噶？男：你傻咗啊？明明就係你噶啦…唔係你仲会係边个喔？女：真係唔係我噶咯！我自己嘅头发 点会唔认得嗻!男：妖，费事同你讲…
女：傻猪啊，后日情人节啊，你有冇冧住请我食饭噶？男：睇下点先啦……女：喂，你快啲睇下呢间餐厅啊，听讲几好噶。男：都话睇下点先咯。女：听日点噶？男：咩点啊，我要返工啊！女：吓…做嘢紧要，咁 算啦…你要俾心机喔！男：嗯！
女：宜家咁算点啊，我唔想再咁落去啊！ 我哋识咗一年啦，有冇一次正正式式咁约会过啊？ 你究竟有冇尊重过我啊？连情人节 你都唔陪我！ 你出面收埋咗几多个，我唔知亦都唔想知啊！ 我只不过 想你对我好啲嗻，其实冧真啲，我连你钟意咩颜色 平时钟意做啲乜 都唔知啊！ 真係好可笑咯呵…我冧得好清楚噶啦，我哋以后都冇再见啦！
第95课 陈柏宇 车匙(剧场版) （上） (下附音乐网址) 11:15http://www.tudou.com/playlist/p/l10270642i52642723.htmlJaime：同钟意嘅人一齐，祗有两种结果，就係开心 同唔开心。 我对Jason嘅要求，一啲都唔过分…… 净係要佢 安安份份，唔好再去链车…… 究竟 佢几时先肯去着紧，我有几咁着紧佢…
(开门声)Jason：Jaime，我条车匙呢？Jaime：吓？Jason：车匙啊！Jaime：係啊，喺我度啊！但你要嚟做咩啊？Jason：咪玩啊，我赶时间啊！Jaime：赶时间？又去链车啊？Jason：我应承咗阿妈 帮佢接个亲戚。咪咁敏感啦！边有咁多车链啊你当D差佬傻嘅咩。Jaime：好…但等我问下Auntie先咯！Jason：问囖，嗱 电话……Jaime：唔问啦！信埋你呢次…不过，你冇俾我知道你呃我啊？Jason：放心啦！我笔嬲都唔识呃人嘅。(攞咗车匙走)
Jason：同Jaime一齐之后，我学识咗样嘢，就係 点样唔呃人… 我冇呃佢噶，我真係去帮阿妈接个亲戚。 但係我冇话俾Jaime知，之后 我仲有个好重要嘅节目。(观众欢呼声…)
Jason：除咗链车之外，我再搵唔到第二个 可以令我成为主角嘅地方。 更加重要嘅係，链车果阵嘅速度感。 係啊！我架车係快唔过地铁，更加快唔过飞机。 但係链车嘅快感，祗有极少数嘅人 係可以享受得到噶。 你搭地铁果阵时，会唔会有另一架地铁 贴住你侧边 同你链？
Jason：嚟啦！每次呢个哥哥仔行出嚟嘅时候，我就特别兴奋。 因为 当佢只手指数到一嘅时候，就意味住 我将会进入 属于我嘅世界。
第96课 陈柏宇 车匙(剧场版) （中） (下附音乐网址)http://www.tudou.com/playlist/p/l10270642i52642723.html(见到Jaime出现)Jason：喂……你喺度做咩嘢啊？Jaime：你喺度做紧咩先啱啊？又嚟链车？！Jason：嗱…你企喺果边等我一阵，我转头先返嚟接你走。Jaime：等你链埋呢转先走啊？好，我就企喺你架车面前等你 等你车死我先。
Jason：你依家想我点啊？ 讲嘢啊！ 哎算啦！我哋走啦！咁好未啊？(关车门声…车开走)
(喺车里面)Jaime：点啊？开快啲啊！你唔係好钟意开快车嘅咩。Jason：你痴线！Jaime：係啊！我痴线我错晒，你啱晒，由得你去死就最好啊！Jason：你冷静D得唔得啊！Jaime：我话过冇俾我捉到你噶嘛！但你真係呃我？！Jason：唔係呃唔呃你嘅问题，你根本就唔信我，如果唔係你点会嚟搵我啊。Jaime：都要你信得过先得架，我对你真係好冇信心啊！Jason：好，你对我冇信心啊嘛！咁冇嘢好讲啦！Jaime：我未闹完啊……Jason：你咪继续闹囖，闹啊…闹啊！我都听唔到。
Jaime：Jason，我好担心你啊！惊你会出事。 唔想你链车，係为咗你 唔係为咗我。我冇问过你要任何嘢，净係要你…… 究竟 係我重要，定係链车重要啊？但最重要嘅係你啊。 有阵时我谂，唔知点解 点解你咁钟意揸快车。 点解你唔试下慢落嚟，慢慢去睇下 身边嘅嘢呢？
第97课 陈柏宇 车匙(剧场版) （下） (下附音乐网址)http://www.tudou.com/playlist/p/l10270642i52642723.htmlJaime：停车……Jason：呵？Jaime：你停车啊，停车先。(Jaime开门走)Jason：喂…你想点啊？(关车门)喂…！小心啊Jaime…！(有架车撞埋Jaime到)
Jason：Jaime，顶住啊…(抽泣)Jaime，我会听你讲嘢啊… 你讲嘢啊…Jaime，讲嘢啦… 我想再听多你讲一次嘢…
Jason：Jaime临走前，将条车匙交返俾我。 我唔明白点解佢要咁做 因为，我已经再听唔到Jaime嘅声音……(嘟嘟嘟嘟…电话响声)Jason：我冇听电话，个电话 係Jaime屋企人打嚟嘅。 佢哋唔係要怪我 闹我，因为佢哋知道，Jaime出事 并唔係我嘅错… 如果唔係我激嬲咗Jaime，佢又点会俾车撞亲… 根本就係我唔啱，但我已经冇机会去认错。 点解全世界都冇人闹我？係我嘅错嚟嘓喔。
Jason：呢一次链车，同平时唔同，因为喺现场嘅，就祗係得我一架车。 今晚，呢度冇观众…就得我，仲有Jaime…係果一晚嘅Jaime。 今晚，我会揸得特别慢。 因为我想好好咁睇下，细心去欣赏下，果晚我冇完成嘅路，同呢条路嘅风景。
Jason：或者，呢个係我同Jaime 最后嘅风景。 我嘅车开到去一个急弯果阵，我刹停咗架车… 因为我见到，果到放咗一束黄玫瑰，呢D黄玫瑰令我谂起Jaime，係佢最钟意嘅黄玫瑰。
(Jason回忆以前)Jaime：喂，你知唔知我钟意咩花？Jason：我点知你，次次送咩花俾你你都咁开心噶啦。Jaime：因为我咩花都钟意囖。(笑住…)Jason：你讲晒啦咁…Jaime：但都有原则噶！就係 只要係黄色嘅花，我先会特别开心。
Jason：我落咗车，行过去睇下… 原来喺果束花嘅旁边，有一张字条……(笑了)係Jaime写俾我架…佢同我讲： 我嘅车匙(Jason&Jaime：)就係你嘅心到…(Jaime：)你要加油……
Jason：我终于都明白，手上边嘅车匙，係Jaime将自己未走完嘅路，交托俾我。 佢想我，继续漫游呢个属于我哋两个人嘅世界里面…
第98课 梁一贞 说爱我(剧场版) （上） (下附音乐网址)http://www.tudou.com/playlist/p/l2605893i13517185.htmlA：我唔介意人哋点讲我，话我有几傻，几戇居都好 呢一分钟 我能够紧紧咁揽住你 已经足够了！B：我同佢唔同啊，佢可以毫无保留咁爱你 係俾爱自己更多噶！ 我唔得咯!我永远觉得两个人一齐 结果并唔重要，彼此之间 都爱过 已经好足够啦！女：冇放手啊…揽多我一阵啊！A：冇郁啊…俾我揽多你一阵啊！B：个心根本就唔喺度，就算我揽住你一世 咁又点啊？女：个心已经唔喺度了，就算俾你揽住我一世 咁又点？
A：喂…你睇吓果边个女仔，望住我啊？B：傻啦！望紧我咋…A：喂，个样几得意啊呵?B：哦……你死了，有人思春喔…哈哈哈A：思春啊啦…B：哇你几时学埋晒D咁嘅嘢架？A：走啊…睇你走去边B：喂喂喂…啦啦啦…冇整住，我帮你过去识佢，就摞佢嘅电话俾你！A：要拿我自己会问…使鬼你啊！B：使咩同我客气吖！A：喂喂喂…
女：我哋三个 係朋友啊呵？B：我觉得係架！不过咧 唔知某啲人係唔係剩係想做朋友咁简单嗻！A：喂…你正经啲好唔好嗻！我哋永远都係好朋友嚟噶！
第99课 梁一贞 说爱我(剧场版) （下） (下附音乐网址)http://www.tudou.com/playlist/p/l2605893i13517185.html女：你究竟当我係咩嘢啊？唔通我哋除咗上床之外 就唔可以留些少时间来做其它嘢嘅咩？B：喂喂喂…唔该你记住啊，我哋嘅关系只可以係维持喺训觉果个时候咯！你冇唔记得自己係…女：够啦…够啦… 我知道喺你心目中永远都係朋友摆喺第一位啊！ 但係如果你係爱我嘅 又怕咩去面对佢 同佢讲清楚喔！B：一分钟之前训喺你隔离果个唔应该係我架… 依家几好啊！起码我识去惊啊… 惊会有一日 我最好嘅朋友同我训过嘅女人 喺背后诅咒我，甚至杀死我。女：你走啊…你走啊…
(电话响)A：觉唔觉得，维维呢段时间 有啲唔妥啊？B：哗！你两个嘅关系点都扯唔到我呱？我又点会知啊？A：我觉得佢唔係真心钟意我！B：我终于明白咧 咩嘢叫做小男人，喺我眼前嘅你 已经係一个好好嘅证明啦！A：每次我同佢出去，我都感觉到 佢係期待紧一个人。 到我哋三个人走埋一齐，果答案终于出来了，佢期待嘅果个…係你！B：Er…喂喂喂…唔讲住 有电话入啊！等阵 复返俾你啊！
女：叫得我出来咁急，咩事啊？A：佢…等阵都会来。女：边个佢啊？神神秘秘咁！B：喂…Hi…冇意思啊~~来迟咗！你两夫妇咁早到啊？
A：好好照顾佢啊！佢本来就属于你噶！ 我相信 见到自己钟意嘅人开心，自己亦会得到快乐。A：冇郁，俾我揽多你一阵！女：个心已经唔喺度了，就算俾你揽住我一世，咁又点啊？B：你以后冇再来揾我了，我…唔想再见到你！
第100课 胡芳芳 不要墨尔本的翡翠(剧场版) (下附音乐网址)http://www.tudou.com/playlist/p/l2605893i13530980.html女：你冇再缠住我啦！过去咗就过去咗架啦！你学咩人弥补嗟？你可以弥补到我啲咩啊？ 我珍惜你嘅时候，你又唔稀罕。到我唔珍惜你了，你又嚟拉住我，你到底想点嗟？男：好多嘢我知道自己以前做错咗，但係点解你一次机会都唔肯俾我嗟？ 就一次啊，一次都唔得？
女：我剩係想你对我好小小嗟，小小就够啦！ 我要嘅唔係一个俾到物质而俾唔到安全感我嘅男人啊！你明唔明啊？
男：你对我咁唔满意嘅 咪分手咯，讲咁多嘢做咩嗟？
(打电话)男：冇意思啵，而家唔得闲听你电话，请你留言啦！女：我…我好挂住你啊，可唔可以复个电话俾我啊？男：你玩咩啊？电话又唔听，打你屋企又话你唔喺度。你避我啊依家？女：係咪 应该同你讲对唔住呢？但係 我觉得 冇咩必要咯！ 以前我讲10句 20句 30句嘅对唔住，你理都冇理过我。 我觉得，我放低咗你，希望你明白 我放低咗你唔係一朝一夕嘅事，亦希望你冇嬲我。
女：我哋分手啦！男：我哋分手！女：点解喔？点解你可以咁容易放低我啊？男：我…我觉得自己 好似已经习惯咗你嘅生活啊。 冇离开我啊，我哋可唔可以重新开始啊？
(打电话)男：对唔住，我而家唔能够听你嘅电话，请你留言啦！女：你知唔知啊？我需要嘅 唔係你呢种失去咗之后 先识得把握嘅人啊！ 而可以陪我行埋以后嘅路嘅男人 唔係你啊！
第101课 郑秀文 给最伤心的人(剧场版) (下附音乐网址)http://www.tudou.com/playlist/p/l2605893i13532870.html你曾经话过 我係世界上 最快乐嘅女人因为 我拥有你我当时冇出声 只係紧紧咁抱住你但係点解……
一切 都好似已经平静落嚟但係 每当我谂起你嘅时候呢一度伤痕 都会令到我嘅心 隐隐作痛
第102课 郑秀文 放不低(剧场版) (下附音乐网址)http://www.tudou.com/playlist/p/l2605893i13532440.html点解 你可以咁潇洒可以咁容易 拎得起放得低或者 你根本就唔知道 咩叫做痛但点解 你要咁残忍用我同你之间果份友谊做赌注唔通 我唔应承你 就连朋友都没得做咩
爱情对于你嚟讲 只不过係一场游戏游戏嘅开始到结束 都会係你嘅掌握之内但你知唔知一句GAME OVER 换来嘅係人哋嘅满腔眼淚对唔住，呢场游戏太刺激 太惊心动魂啦我玩唔起
第103课 郑秀文 插曲(旁白版对白) (下附音乐网址)http://www.tudou.com/playlist/p/l2605893i13532860.html男：係命运嘅安排 俾我认识咗你 从我嘅眼光 同你嘅眼光接触嘅一刹那开始 我已经深深咁 俾你吸引住 果一种沉默已久嘅感觉 油然而生
女：我真係好开心！ 不过 我冇谂过，呢段感情 只係维系咗四个月
男：呢段 唔该发生嘅爱情故事 就咁发生咗 从此之后，你嘅笑容 你嘅一举一动，已经成为咗 我心目中 定格嘅画面 有时 感情嘅事 真係好奇妙噶！ 曾几何时 我以为 我哋可以天长地久，但係冇谂过 呢段感情 会係咁短暂 或者 呢一啲 就叫咗有缘无份呱
女：我唔知道点解 你要呃我 我只係知道 自从你讲咗果句 你唔会选择我嘓时候 曾经嘅山盟海誓 都已经变成泡影 曾经 我以为时间 可以冲淡一切
男：我唔再苛求啲乜嘢，我同呢一段感情，就算係插曲 我都已经好满足。
第104课 郑中基 无赖(剧场版) (下附音乐网址)http://ok.wo99.com/mplay.php?id=13243122(电话响)女：喂，我煲咗汤啊，你 上嚟未吖？男：我唔得闲啊，我同班Friend去饮酒，今晚唔使等我啦。女：哦，咁，你又话戒酒嘅？男：你理咁多做咩吖，我係咁嘅啦，讲你又唔信，係咁啦，拜拜。女：咦，件婚纱好靓嚄。男：哦，咁又点吗？女：En…不如我哋 其实，你有冇捻过我哋将来噶？男：呵，喂，En 你唔係啊嘛，你唔係真係认真啩？你 你都应该知道我係点样嘅人啦。女：唔通你从来都冇钟意过我咩？男：你要嘅嘢我俾唔起，我唔适合你。
(门铃响)男：你仲嚟做咩啊？女：我唔想就咁分手啊。男：你到底明唔明啊？ 我次次做D咩都係三分钟热度，咁大个人啊啦，我都一事无成，女朋友就有一大堆，你叫我点俾将来你吖。女：你有话我会介意咩？你有冇问我真正想点啊？ 你冇啊 你从来都冇啊，每次，你揾籍口呃我，我扮听唔到； 每次，你应承过我嘅嘢，你冇做到嘅时候，我都会好失望嘎； 每次，你约咗其他女仔，我一直都咁忍住，你应承过我D咩，你冇做到啊！ 你一啲都冇做到啊 你以为我唔会妒嫉，唔会呷醋？ 唔係啊，其实我係响度呃紧我自己嘎啫，我好辛苦，我真係好辛苦…… 但係，但係我可以点嘛？我唔敢讲出嚟，我惊我一讲出嚟，你以后都唔会再理我，我忍得咁辛苦，我到底为咗D乜嘢，我一直响度等你，点解你就係唔肯回头望返我一眼？点解啊？男：Sorry啊
(电话响)男：敏，SORRY啊，你俾多次机会我啊。
第105课 梁静茹 如果有一天(剧场版) (下附音乐网址)http://www.tudou.com/playlist/p/l2605893i13532537.html其实 係咪失去咗先会珍惜咧？虽然 我已经同你分咗手两年，但我每晚都好掛住你。
如果有一天，上天会俾机会我，我谂我会选 时间倒流我希望上天会俾时间我，我希望有一日 我会见返你
你仲记唔记得 我同你一齐啲日子係你教识咗我咩叫感情而家嘅我 真係好需要呢啲感情因为我终于感觉到 感情呢两个字係唔容易写我好想同你讲，我可以无条件为咗你做任何嘢你可唔可以 冇咁对我啊
其实你知唔知 冇咗你喺我身边我真係好寂寞我真係 好需要 好需要你
我好希望 上天 会俾个愿望俾我因为 我希望 如果有一天 时间会倒流 我真係希望你返嚟我身边
第106课 谢霆锋 如果只得一星期(剧场版) (下附音乐网址)http://www.tudou.com/playlist/p/l2605893i13532451.html我同你之间，係咪一开始，已经係个错误。我真係冇办法相信，你会真心咁对我。喺果几日里边，我终于明白咗，你对佢嘅爱 係有几深，而我对你来讲只係茫茫大海之中 嘅一块浮木
如果海水 唔会流动，我愿意 永远咁 浮喺你嘅大海之中但係海水，唔可能永远都唔会流动嘅，不如，我哋分手，尽早咁 结束呢份冇结果嘅感情对你 同埋对我来讲 都会係一个最好嘅选择
其实 我从来冇谂过我哋嘅故事 会係咁嘅结局喺呢段时间里边我经常会谂起 同佢喺埋一齐嘅日子渐渐咁，领悟到，有机会付出，亦都係种幸福嘅呢句说话，同佢係埋一齐，就算只係得一个星期亦都算係一种福份
第107课 郑中基 无赖(MV版) (下附音乐网址)http://www.tudou.com/playlist/p/l2605893i13532440.html女：我唔想再过啲咁样嘅生活啊！ 每一日你会改，每一次你出事你都话你好后悔，每一次你都话唔想搞成咁样。 但我次次都信你噶，我信噶！咁点啊？最后咪又一样。 受够了，我受够啦！
男：其实我真係谂住改噶！ 但我唔知点解次次都会搞成咁，点解唔可以俾多次机会咧？
第108课 谢霆锋 塞车(MV版) (下附音乐网址)http://www.tudou.com/programs/view/iGhQLEuFFds/http://www.tudou.com/programs/view/MaaGK6-Bmx0/?fr=rec1我讲过好多次嘅啦！支牙刷一定要打栋摆唔可以打横摆噶牙膏你唔可以试下由底挤上去嘅咩一定要中间挤嘅咩我讲过好多次噶每次你放工返嚟 就係做你自己啲嘢掛住打机掛住睇书掛住乜嘢都掛住你自己嘅嘢噶你有冇理过我噶你连我开唔开心都唔知啊你俾快好冇啊你依家简条路都咁塞车嘓喔
第109课 梁汉文 缠绵游戏(剧场版) (下附音乐网址)http://www.tudou.com/playlist/p/l2605893i89435460.html(打电话)女：喂男：喂．我係Edmond呀女：邊個話？男：Edmond呀．琴晚喺CC識果個咧。冇，今朝唔見你。打個電話睇下你點咋嘛女：哦……你點知我電話噶？男：我哋今晚會唔會見啊？女：今晚啊？唔知喔！男：我好想見你呀！我好掛住你，今晚……女：喂 你唔係嘛！你講真架？男：嚇…女：哎我好眼訓呀…(挂電話wuu……)男：喂…喂…
男：尋晚喺酒吧道，遇上同樣孤單嘅你，你叫我請你飲杯嘢。 對於比我年長嘅女性，我一向都好專重。一杯兩杯 三杯之後… 我一路靜靜咁坐喺你身邊，你帶有酒氣嘅聲音，令我 都有啲飄飄然 一時間都分唔清係你嘅故事呀 係你嘅聲音呀，定係迷醉嘅空氣，令我竟然覺得 有啲愛上咗你
男：今朝 喺酒店嘅洗水間 睇到你用唇膏喺鏡上邊 寫上Bye Bye兩個字嘅時候 我簡直唔可以相信自己嘅眼睛 Bye Bye?? 我哋唔係啱啱先開始咋咩?(電話聲....tuwu...tuwu......tuwu...tuwu....)女：喂男：喂 我係…女：搭錯線啊(挂電話)
第110课 梁汉文 七友(MV剧场版) (下附音乐网址)http://www.tudou.com/playlist/p/l2605893i13532339.html老闆：帮衬下小姐，啦…許個願啊女：嗯，人哋話許願樹好靈噶我哋買份嚟掟下咯！幾多錢啊？老闆：多謝五蚊啊女：好老闆：後生仔你買唔買啊？男：我連坡許願樹都睇唔到喺邊，根本就冇資格許願
第111课 梁汉文&Stephy 找我(MV剧场版) (下附音乐网址)http://v.qq.com/boke/page/4/4/5/4UyJrKogw45.htmlhttp://www.56.com/w65/play_album-aid-2766441_vid-MjEzMDY4NjE.html師：喺我脑海入边回忆嘅血迹 喺血迹旁边多咗啲嘢 好细 唔係血 係眼淚 係邊個嘅眼淚 我睇見嘅 係邊個嘅眼淚
男：Hi阿shi，唔該阿shi唔該唔該阿shi摞嚟啊阿shi唔該 呵……踢波
女：係我嘅，我叫嘉嘉啊 你點解避開我啊 你點解避開我啊
女：唔膽鬼 唔膽鬼 唔膽鬼
師：我鐘意你 你知噶
第112课 江若琳 伤情路(剧场版) (下附音乐网址)http://yc.5sing.com/1020211.html女：送俾你架！男：俾我架？
男：唔好意思啊，唔好意思啊，帮我睇住个报纸档一阵啊。女：吓？男：好急啊。唔该晒，唔该晒。唔该啊。
男：多谢晒，多谢晒。 唔好意思，不如我请你食Lunch啊。女：好啊！
女：係呢，其实你点解成日都做唔同嘅工嘅？男：搵食冇办法啦。女：不过其实，我觉得你成日咁样做替工，生活都几自由，几开心啊。男：嗯…，你睇我好，唉，唔通成世做人替工，做阿二咩？女：都唔係啊，好过我成日都俾Daddy Mammy管住晒，一啲自由都冇。男：哇！你睇我好咋真係！我就唔想一世做人阿二啦，我都想有份长工架。
女：我唔钟意啊，我唔想成日见嗰啲Auntie Uncle，Daddy。
男：其实你嘅出现，对我嚟讲，係一个好重大嘅鼓励。 我对眼一直都有事，直到我见到你嘅笑容，令我每日都好想见到你。 喺锡你果一刻开始，我已经睇唔到嘢。 但係都无所谓，因为我知道你唔会接受我。 依家再冇任何嘢令我好想再望到。女：其实，我都已经爱上咗你。
第113课方力申&邓丽欣(mikicookies) 零藉口(剧场版) (下附音乐网址)http://www.tudou.com/playlist/p/l2605893i13532758.htmlhttp://www.tudou.com/programs/view/kqtgNncZItI/?fr=rec1女：一係唔开舖，一返到嚟嘈喧巴闭，静啲啦！男：喂，我唔识你架喎！女：我係隔离卖波鞋架，以後唔准咁嘈啊！
女：喂，我哋都算不打不相识啊可？男：唔係喔。女：咩啊？男：我都冇出手。女：唔係啊？男：係你打我嗻嘛
女：奸商，点解食唔到巨蟹座架？男：我咪係巨蟹座咯。
男：俾你架
女：如果我钟意男仔，我会拣你。
第114课 麦浚龙 耿耿于怀(剧场版)/ M仔旁白(剧场版) (下附音乐网址)http://www.tudou.com/playlist/p/l2605893i13532313.htmlhttp://www.tudou.com/playlist/p/l8770164i3871041.htmlhttp://www.tudou.com/playlist/p/l10270642i52635610.html成個星期啦 好似好耐都冇見過你唔知道依家嘅你 過得點咧唔知道 你有冇識到新嘅男朋友呢好想俾你見下我依家嘅女朋友啊唔知道 你會點睇佢但係無論 我几咁投入去鐘意佢都好始終 都冇同你一齊果陣時嘅感覺
會唔會係 我根本唔識得鐘意一個人咧其實我知道原因 係我一直都放唔低你我更加知道 我已經唔可以再鐘意第二個
就好像有一把 冇咗鎖匙嘅鎖咁永遠都將你 鎖喺我心裏邊 倘唔開
冇嗮感覺 耿耿於懷忘記唔到你 我真係好掛住你啊點解會咁噶 可能就係因為
第115课 麦浚龙 耿耿于怀(剧场版2) (下附音乐网址)http://www.tudou.com/programs/view/Ope1xUnCl-Q女：喂，(等緊你)男：喂，今晚…我有啲嘢想同妳講啊！今晚八點見啊！
女：Juno 等咗好耐啊？男：唔係啊！到咗一陣嗻女：你今晚約我去邊啊？(我好想)喺手机度講嘢 点解咁吞吐嘅？男：我…我有啲嘢想同你講清楚啊！女：你做咩啊？唔舒服啊？男：唔係啊！ 我…我唔知點讲啊…… 不如……女：不如咩嗻？你同我講啊，我係你女朋友嚟噶！男：我唔知點開口啊！不如……我哋分手啦！女：点解啊？發生咗咩事啊？男：SORRY啊！我…忘记唔到佢。 我知道我咁樣好自私，對唔住，但我真係唔想呃妳。對唔住啊！
女：我憎死你啊
女：點解你要咁對我啊？男：我冇心傷害妳噶，但係 我真係唔想呃妳。
第116课 麦俊龙 有人(剧场版) (下附音乐网址)http://www.tudou.com/programs/view/F7sILpJGRgA/有人話 係心裏邊 鐘意一個人 又唔俾得佢知 係一件好辛苦嘅事其實 我覺得 都唔係呀只要我盡力做到好關心佢 終有一日 佢會感覺到噶就好似上次 份早餐明明係整俾佢點知 我話係自己整多咗佢竟然相信 仲摞咗嚟食添呵…佢真係好鬼傻啊
果晚 落住好大雨我喺樓下見到你 仲摞咗把遮俾你你問我做咩咁夜都咪走我話 我咁啱行開呢頭買嘢呵…其實 邊有咁多咁啱額我係知道你冇帶遮 專登喺度等你 摞把遮俾你噶
鐘意一個人 就算佢唔知道 咁又點喔知道咗 反而未必係好事或者佢唔知道 我仲可以有好多藉口 可以去關心佢知道咗 反而我仲會對自己冇信心或者我有好多嘢 都冇得同其他人比
係呀 你揾果本書我已經揾到啦 下次摞俾你啊聽朝八點 你約咗個Friend記得 冇遲到啊
第117课 麦浚龙 如果可以待你好(剧场版) (下附音乐网址)http://www.tudou.com/playlist/p/l3982595i20032429.html我記得 妳曾經坐我隔離，當時我真係好緊張心冧：哎呀死啦，有個靚女坐我隔離添，點算啊？
直到當時 我從一個同學 口中聽到原來妳有男朋友當時，我真係好傷心
果陣時，我不斷喺度谂，究竟我係咪鐘意妳呢？如果唔係嘅話，我點解對妳嘅事 咁在意
到咗二年級啦，我先知道 原來我唔係鐘意妳只不過 係我太過寂寞，所以 先會掛住妳直到而家，都係一樣，希望 妳明白
记得 果陣時我同阿玲一齊嘅時候有一次，我和同妳 坐喺隔離 一齊聽 (英文)果陣時 我亦都係好緊張，唔知點解 心跳得好犀利唔知咁又代表啲乜嘢呢？直到而家 我都搞唔清楚，我对妳嘅 係鐘意啊？定話係 朋友嘅感觉啊？
直到而家嘅我，都唔可以鐘意妳因為 喺我身邊 有太多嘢事 阻住我阿玲，(好夜)仲有好多好多好多嘅人喺呢度只可以同妳講聲：對唔住
第118课 古巨基&杨爱瑾 爱得太迟(剧场版) （上） (下附音乐网址)http://www.tudou.com/playlist/p/l2605893i89435049.html瑾：Henry，你架PDA又響啦…基：嗯…係喔 够钟打電話去美國 複返個个客先瑾：你仲未走得啊？基：我我我得噶啦，我複埋个個電話得噶啦，你等多我一陣啦基：啊…Miki呀瑾：嗯？基：你過兩日 返英國咯呵？瑾：係呀，唔捨得我啊？基：Er少少咁啦…你走咗冇人俾我笑啊嘛瑾：咦~~~~你咁噶基：冇打冇打 Miki其实，你 今天都last Day，我仲要你开OT，我 其实 几唔好意思嘅瑾：你依家先唔好意思啊？我成个暑假俾嗮你呀，差唔多日日都同你OT，见你仲多过见我啲Friend呀，我嬲啊基：Er~~~ 係咯，所以… Er我见你咁帮得手啦，Er加上~~你又就嚟走， 啊…你睇下，买咗啲嘢俾你喔，Er你睇下钟唔钟意？瑾：有嘢送？ 哼…咁都好啲… 哇好大份喔，Feel落好似T喔…基：Er~~~
第119课 古巨基&杨爱瑾 爱得太迟(剧场版) （中） (下附音乐网址)http://www.tudou.com/playlist/p/l2605893i89435049.html瑾：ChEr~真係T，咁易估… 咩Print先… I LOVE Hong Kong？？！！好Cheap啊你…基：咩啊… I LOVE Hong Kong好Cheap咩？唔係啊，Hong Kong一啲都唔Cheap 加上我谂住~~~你呢啲 ABC嚟噶嘛，梗钟意呢啲噶嘛 係咪？ 其实你睇真件T就唔係写住I LOVE Hong Kong，係I LOVE H K…瑾：有咩分别啊？基：有噶…Well…U Know…My name is Henry Ku瑾：I LOVE HENRY…咦，我唔会讲落去啊，费事益咗你基：Er…其实你 记住著就得噶喇瑾：我拎嚟抹台呀基：Er~~~瑾：我有啲嘢想问你噶基：唔？瑾：唔…你日日同我一齐OT，又关心我，又送嘢俾我咁，你 你係咪钟意咗我呀基：哇，哇哇哇哇…哇~~哎Er~~~ 咁直接我唔识答噶喔瑾：U Know~ 我呢啲外国返嚟嘅ABC係咁嘎啦基：其实呢… 我一直都觉得你 好似我家姐嘅…哈哈哈瑾：你啲笑话越嚟越唔好笑啦
第120课 古巨基&杨爱瑾 爱得太迟(剧场版) （下） (下附音乐网址)http://www.tudou.com/playlist/p/l2605893i89435049.html基：工作 已经占据嗮我所有时间， 日做夜做， 其实我根本冇可能谂其他嘢， 但今个夏天 有啲唔同， 我识到Miki， 识到佢，係发生喺我身上 最好嘅事， 佢令我开始谂多咗 工作以外嘅其他嘢， 足足34日 零20个钟，我哋一齐做嘢嘅时间， 感觉上 竟然比起我出嚟做嘢嘅呢两年 更加充实， 佢竟然令我觉得，开OT 係一件好开心嘅事。 可惜，佢係一个由英国返嚟嘅暑期工， 而且 佢而家已经要走喇， 如果同佢开始一段感情， 我觉得好似 对未来好冇把握…
基：嗯…都够钟喇！ Miki 而家应该喺飞机上面 所有嘢 都应该可以告一段落 或者 留低个美好回忆都好嘅…基：喂？你仲未上机噶咩？瑾：我差唔多入闸啦，上机前 谂住同你讲声ByeBye咋嘛 同埋 我SMS咗我个英国电话俾你呀，唔知呀，你有时间打俾我咯！基：喔，好啊好啊瑾：其实，你有冇嘢要同我讲嘎？基：Er~~我…我想…我想同你 讲Er~~你 样样嘢小心D啦下…瑾：咁好啦，ByeBye基：ByeBye
基：我係一个好守时嘅人， 但係喺感情上面，我嘅Timing 总係非常之差 谂得太多，会唔会令我错过好多？
基：喂？喂？Miki？瑾：咦？Henry？咁好打俾我呀！基：Er~~~我咁讲可能好突然…但係瑾：咦，你噶PDA又响啦喔，又够钟做咩呀？基：唔係PDA呀，呢个 係真嘅钟声嚟嘅 我嚟咗英国呀，我依家喺大笨钟下面，我有啲嘢，想亲自同你讲…
第121课 古巨基 必杀技(2003末特別剧场女版) (下附音乐网址)http://www.tudou.com/playlist/p/l2605893i13532407.html见到你一次 我就伤心多一次我话过，我唔会再记得你我唔想来憎你吖如果我再同你讲，我哋仲可以做好朋友可以咩？伱仲喺度扮你仲爱我我受够啦！你唔好再喺度关心我，我唔想再见到你
第122课 古巨基&李彩桦 任天堂流泪(MV剧场版) (下附音乐网址)http://www.56.com/w52/play_album-aid-2496580_vid-MjAxMTg2ODU.html基：我想俾最好嘅嘢佢啊 如果我好啲 佢就唔使跟佢走 點解 點解 點解啊……
桦：我好想飛啊……基：你要飛嘅 我陪你一齊飛桦：真嘅……
桦：我~~基：我~~摞杯水俾你
桦：而家幾點啊
桦：我好想你同我講一聲好鐘意我啊…… 就一聲啊 一聲就夠噶了
基：你冇走啦！我真係好鐘意你噶
第123课 古巨基 爱神(剧场版)传说爱神威立斯会将佢呢支箭紧紧咁锁喺我哋嘅心中到底你心目中嘅支箭同埋嘅个传说 係唔係都係真架
爱神 你对我嘅爱情 又到底係咪公平点解 点解我会感觉到 我嘅爱情係痛苦嘅
爱过 错过 痛过 得到嘅又係乜嘢结果神啊~ 你可唔可以俾我 结束最灿烂嘅爱果
第124课 古巨基 爱与诚(剧场版)周慧敏独白 (下附音乐网址)http://www.tudou.com/playlist/p/l3982595i19470364.html基：如果妳一定要搬走嘅话，我寧願我搬，啲猫，留低陪妳。
敏：我望住佢開門，出去，闩門， 我知道，今次佢唔会再返嚟喇。
敏：宿命一樣，佢喜欢过嘅女仔都鐘意養猫， 所以每次俾人抛弃，都会留低一只猫俾佢， 每一只猫，就见证住一段感情。
敏：久而久之，佢将所有嘅爱分哂俾每一只猫， 已經冇多餘時間去鐘意其他人，佢亦都变成一个猫痴。
敏：雖然以後佢唔會再餵我，锡我，照顧我， 但係我反而松一口氣，戥佢高兴， 因为佢终于肯放低过去，有勇气重新开始， 而佢嘅旧女朋友，亦成为我嘅新主人， 我谂，我都好快有一个新男主人
第125课 古巨基&吳佩慈 天才与白痴(剧场版) (下附音乐网址)http://www.tudou.com/playlist/p/l882467i6889215.html慈：你笑咩啊？基：你塊面好多音符啊。慈：咁咪好醜樣？基：係啊！慈：哼…
慈：我今晚要去朋友嘅生日patient。基：我陪你去啊！慈：你唔係忙住寫歌咩？我自己去啦！基：好
慈：Sorry而家冇辦法接聽你歌電話，請你留言俾我，我會儘快複返電話俾你。
基：小心啲啊！你点啊？慈：冇理我啦！老是不聽我說為什麼要對我這麼好？
慈：對唔住，真係對唔住，让你难过了。 但係，我寧願徹底讓你死心，都唔願 永遠掛住我。 忘記呢個讓你痛心嘅人啦。 我就快要死了，是不治之症。 與其讓你為我傷心成世，倒不如讓你對我死心。 我愛你，我好掛住你啊！
第126课 古巨基 大雄(多啦a夢劇場版) (下附音乐网址)http://www.tudou.com/playlist/p/l2605893i89435008.html大雄 就算我嘅百寶袋有幾多法寶都好啦同人示愛真係只有你自己至可以幫到自己噶咋大膽啲 向靜宜講啦
大雄 你信我啦我睇到你對靜宜嘅愛比我任何一件法寶仲要強啊去話俾靜宜知啦佢一定感受到你嘅真愛嘅
大雄 我唔可以再陪你好耐噶啦我走之前最想見到嘅就係靜宜可以代替我陪埋你呢一生一世啊
第127课 古巨基 大雄(剧场版) (下附音乐网址)http://www.tudou.com/playlist/p/l882467i6889380.html大雄 今次要帶靜宜去邊度好咧
如果喺個天空度 加多架飛機咁就好啦
淋濕咗個身 好容易感冒嘓喔但點樣可以遮到雨呢嗯 有個百寶袋喺度 摞把遮出來先
就算只係得十分之一嘅機會可以令你好番我都會盡努力 繼續守護住你因為大雄 同靜宜嘅故事 仲未完噶
第128课 古巨基&Ping Pung 大雄+爱是最大权利(劇場版)（上） (下附音乐网址)http://www.tudou.com/playlist/p/l2605893i13532274.html希望所有聽呢只歌嘅人都可以咪埋只眼 用心 咁去聆聽
我記得我第一次同你行街果陣時個身好凍 我哋行咗好耐突然之間你用好暖嘅身去摟住我我同佢嘅距離 就好似喺呢度拉近咗
我拉住你果陣時果種好舒服 好溫暖嘅感覺令我覺得 可以永遠咁去拉住你
果陣時你喺我身邊好近好近可以聞到 你果日飲嘅酒啦 聽到 你嘅心跳聲但係今日 你嘅心 離開咗我
第129课 古巨基&Ping Pung 大雄+爱是最大权利(劇場版)（下） (下附音乐网址)http://www.tudou.com/playlist/p/l2605893i13532274.html今晚好安靜 我坐響度望著呢一個 虛幻 又真實嘅網絡世界突然之間收到條 你俾我嘅E-mail你話 不如 我哋做朋友我知道 你同我一齊好辛苦我谂咁樣 大家 對大家都會舒服啲
我望著呢條E-mail 我果心 反復咁樣去谂可能呢一樣，係我最唔想聽到 最唔想知道嘅嘢但今晚 真係發生喺我身上我真係好努力好努力咁睜埋只眼我驚一眨眼 啲眼淚就會滴落嚟我好想用我自己嘅天真同埋幼稚去掩飾 喺我心入面 好唔開心 好驚 好不安嘅嘢
(依家 聽晚喺 我哋當初) 我係好任性 (注明：那括号里的代表听不清，不知说的是啥)而你 就一次又一次咁原諒我
如果 耶穌真係喺復活節 復活嘅話我都希望 大雄 俾我 再復活多一次俾大雄同靜宜嘅故事 繼續 發展落去
