爱华网来唱唱阿拉一道经历过个（的）童年
男小娃儿（借自宁波话，“娃儿”读如“畏”）请侬点好打火机
小姑娘准备卫生巾揩（擦）眼泪
六月里落雨是黄梅天
踏脚踏车出去记牢带雨披
到老虎灶去泡瓶水拖只热水瓶
袋袋里囥（藏）了两角洋钿（钱），还要一直摸摸伊（它）
十月一号男女同学看灯去
人人拿子只塑料榔头敲来敲去
想吃大闸蟹就要等到秋风起
切好生姜拌好醋，用蟹脚蘸蘸伊
玉佛寺烧头香一定是大年夜夜里，
搓搓通宵麻将迎来新年第一天
小朋友们约好到楼下头放炮仗去
心里想今年勿（不）晓得好拿多少压岁钿
一到春天就淅淅索索落毛毛雨
谈朋友没地方，只好去外滩避一避
情人墙一对对也是道好风景
最吓拿仔手电筒晃发晃发个联防队员
到大光明电影院去孵冷气，
带好毛巾毯，防止打喷嚏
一跑出来就看到对面个肯德基
帮大人讲我不吃只想进去，小个便
每趟我走过红房子西餐厅
馋唾水总归是落了溚溚渧
我晓得就算我考着了第一名
爸爸妈妈也不舍得带我去
72家房客住了一幢房子里
夜里听到怪声音是亭子间小夫妻
我顶（最）要好个朋友爷娘在伊身边
伊讲伊是啥个——“知青子女”
隔壁头老张买了台14寸电视机
搞不懂电视机前头为啥要摆只放大镜
屏幕高头（上面）有雪花，就拿天线转转伊
要是图像没了只好拿电视机敲两记
搿（这）就是阿拉个上海童年
天天侪（都）介（这么）有劲（有趣）
或许阿拉小辰光（时候）在人民广场见过面
美影厂个动画片感动了多少小人（小孩）
等西岳奇童下集等了几十年
再大点就盯牢排球女将还有西游记
一个暑假看下来，只好去配眼镜
最欢喜听姚慕双周柏春个滑稽戏
姚慕双就住辣阿拉弄堂里
帮我从小剃头剃到大个是个江北人
一边夸我头大聪明，一边骂“妈辣个屄”
大清早去读书轧辣公交车里
小姑娘要当心，有人会摸来摸去
后来总算盼到了地铁一号线
到今朝已经拨（被）“冲”（偷）脱（掉）了十七八只新手机
中学到中图门口去买轧片
我再晓得搞摇滚个侪是一帮神经病
最老卵（牛屄）就是男同学们一道吃香烟
大家凑钞票买包大前门，嗍嗍（吸）伊
搿就是阿拉个上海童年
天天侪介有劲
或许阿拉小辰光来西郊公园见过面
辣（在）我印象里，妈妈一直辣结绒线
要么就是我陪妈妈拆绒线让伊开心
伊讲埃辰光（那时候）买一台子菜用不着一块洋钿
现在大概只好嚼半根盐水棒冰
四大金刚当早饭永远吃不厌
粢饭配油条，咸浆里多摆点虾皮
要是屋里向（家里）有亲眷到上海住两天
总要带伊拉（他们）去吃吃喷喷香个小笼生煎
上海哪能就让人介欢喜
从静安到杨浦还有浦东新区
有辰光稍许让人觉得有点惹气（烦心）
但是就算蹲一辈子也不会觉着厌
搿就是阿拉个上海童年
天天侪介有劲
或许阿拉小辰光在陆家嘴见过面
搿就是阿拉个上海童年
天天哪能就介有劲
或许阿拉小辰光在彭浦新村见过面
曾经一个玉树临风的摇滚青年
现在也已经开始秃顶
慢慢变成一个发福个摇滚中年
来唱唱阿拉的童年拨（给）侬，随便听听
要是侬没兴趣，就请出去吃香烟
如果你也感动，就丢点硬币
现在个日脚是过了再也没老早介有劲
“挺”（剩）下来个就是阿拉搿眼（这点）长不大个上海小人
