来，黄子华帮你洗燥 黄子华栋笃笑洗燥

　　终于第一次系现场睇咗黄子华既栋笃笑，真系好正！
　　我发觉随住年龄增长，自己越来越可以去理解黄子华所讲既野，一个读过哲学兼社会学既艺人，一个梦想要演戏但系从来冇系戏剧行当有过几多爆发既人，注定咗，渠要系其他方面发挥渠应有既才华。
　　与其讲黄子华系个艺人，其实我更觉得渠系一个生活哲学家，渠将自己对哲学同社会学既理解基础上，将呢个社会睇透晒，而且渠生长系香港，进修于北美，更能够系一个更加包容同广阔既维度以栋笃笑既方式去传播渠既哲学。黄子华一直话自己最梦想系做一个成功既演员。其实，我更加觉得渠最心底既梦想系要用最简单既方式去传播渠既哲学。
　　呢一次，《洗燥》，黄子华解构晒我哋成个社会既Marvellous既基点。
　　原来无非就系羊群效应。
　　我系苏格兰既牧场旅行时，牧场既管理人为我哋示范咗点样利用一个哨子，去指挥一只牧羊犬赶一大堆绵羊。唔同既哨子声——例如一长两短，三长两短，一长，就代表咗唔同既动作。我哋当时好奇怪咁见到呢个苏格兰人点样利用一只吹鸡，就可以命令五百米以外既羊群活动。而好笑既系，羊永远都会一群群咁行动，唔会分开。
　　我系苏格兰见到既，就系所谓既羊群效应。
　　
　　我哋人都一样，
　　点解我要食寿司，点解要用三个碟头饭既价钱买两件寿司？因为班朋友个个话好味道咯；
　　点解女人要买LV？黄子华问系唔系买三只就系儿女成群，唔买就冇仔生？买咗平胸都变索女？唔系，因为班朋友话好咯；
　　点解我哋买股票一定输？因为买股票要低买高卖，意思系，人人唔要既股我哋要买，人人都要既股我哋要卖；
　　点解呢个世界成功既人少？因为成功既人一定系离群咯；
　　点解而家更多单身？因为人地唔要既女我哋都唔要，人地要既女又唔轮到我哋咯。
　　生活方方面面，全部都系羊群效应。

　　于是我哋就要买贵楼，买贵车，买贵包，股票一定输咯～

　　再之后，渠又提出老千呢个关键词，渠话，老千就系骗晒你一年既工资后，去住五星级，租超跑，沟超模然后返来同你讲，兄弟，你真系太水皮啦，我上次昆人Ｄ钱，可以沟Animal咖，我意思系Any模特，咩模特都沟得到，今次你一年工资先够我沟普通货。你听完后冇晒意见，明明俾人骗晒走D钱，但系仲要系自己觉得对唔住人地，对唔住自己，呢种就系最叻既老千。
　　我哋就算超越晒我哋社会周围既老千，但系都冇办法超越呢个社会。因为呢个地球最有钱既美国，渠而家既国债已经超越咗渠一年既ＧＤＰ，意思系，渠地更有钱都只不过系建立系借钱度日既基础上。咁呢个世界咩人可以借既钱多过自己拥有既钱，就得老千咯。


　　于是乎，我就突然明晒了，首先系羊群效应令到众生庸俗，再之后就算我哋有过人既智商超越咗，经济结构中仲系有更加强大既老千骗子——美国。

　　黄子华，你真系好野！

爱华网本文地址 » http://www.aihuau.com/a/25101016/325840.html