爱华网肥仔个头，大过五层楼，肥仔只手，细过荷兰豆，肥仔个屎忽柯豆豆。
只要系广州人，童年时应该都会听过呢首得意嘅歌谣，之前曾以广州本土文化为底蕴创作出《唱好广州》嘅黄毅成先生又再“卷土重来”，单曲《肥仔个头》于不久前正式面世，仍然由《唱好广州》嘅歌手、创办咗东山学堂嘅“东山少爷洪激流”主唱。
《唱好广州》入边一首首嘅广州本地歌：“长堤1973”、“广州好”、“中山纪念堂”、“落雨大”、“月光光照羊城”、“百花冢”、“西关小姐”，令一辈辈嘅老广州回味回忆回想回溯，有一种番到孩提时嘅感觉。
之前嘅一首“珠江印象”，宜家再一首“肥仔个头”，系广州土生土长嘅我，真系要讲一句：“多谢你，黄毅成，多谢你，东山少爷。”
《肥仔个头》
又站在越秀山边看雨下，
这小子十岁果年水边抓青蛙。 
湿咗身归家哈你就听打，
玩颠咗乜都不怕。
山边的红花满地，
是我珍馐百味，
花蜜甜于心扉。
紫荆花微香气味，
细路哥的把戏，
折只兔仔唱你：
肥仔个头大过五层楼，
肥仔只手佢细过荷兰豆。
如风的歌儿随童年飘走，
嬉戏里光阴过去，
欢笑相片中记取。
肥仔个头大过五层楼，
肥仔只手佢细过荷兰豆。
如此的歌儿还会唱几首？
经太远忆得半句，
果半句跟花雨飘去。
听住呢首《肥仔个头》，真系令我谂番细个果阵通街通巷跑个得意样，哈哈，希望呢段儿时嘅回忆，唔会随同花雨飘去，而系永永远远藏于心底，炼为永恒的烙印，即使到咗八十岁，仍然清楚记得，仍然识得讲：一德路、二沙岛、三元里、四方炮台、五山、六榕路、七星岗、八旗二马路、九功坊、十三行……
