爱华网虽然，我一直都好妒忌你，你除左个胸唔够我大之外，基本上，你每一方面都比我好，例如，你唔需要因为家族生意去接触伤害皮肤的工作，所以你皮肤好靓；你五官靓过我，条腰瘦过我，白过我；你可以读大学，我唔系话父母唔俾机会我读大学，而系，我自己无本事读，我无得赖，所以更加妒忌。再讲番你胸部不够我大，其实都系自我安慰，两年之后，你也会跟我一样，我没办法不妒忌你啊。
三年前，我同你一样，都系同距分手了。
你妈妈唔中意你男朋友，原因系，距无一间60平方以上噶屋。虽然我都赞同你地分手，不过我就完全唔会因为对方无层楼而反对你地一齐。你地分手，我开心，系因为：
你地两个都好幼稚，高中系同学，同龄人，同龄人恋爱，女方都会好泄底，因为男人成熟的比较慢，拍拖好似凑仔，距根本就唔会包容你D女性缺点，就算距几爱你，距都只会忍你，而唔系包容你，距对你有乜唔满意，可能会记住，等到激情过后再慢慢同你计。
最惨就系，距真系以为一个“爱”字，你就要等距。
你两个都高中毕业，之后读大学，各散东西，一个月见一次，老实讲啊，咁拍拖，唔系为左相爱，而系为左承诺，真系好无意思，你越爱距就越痛苦，为左唔好咁痛，你只好令自己唔好太注意距，慢慢，就唔再爱距。系啊，爱情就系咁，唔系话有承诺就会爱下去。
哩次分手，我相信你同距都会明白，爱情噶力量系几虚弱。其实爱情根本就唔系咩力量，爱情系一种享受方式，你强大，你先有得享受。就好似我去漫展，唔系因为我好钟意漫展，我就可以去，系因为，我有钱买门票，并且有空余时间，我先可以去。
距话你无遵守承诺，唉，依家搞到错果个系你，咁如果夹硬遵守承诺，系唔系就好啱呢？哥哥仔，你话我个妹飞你，咁你要自摸打飞机，唔可以沟其她女人，系唔系就觉得好快乐？定系，你想一边搞其他女人一边等我个妹毕业啊？
总结以上，你地分手，我觉得系好事，分手噶事议论到此。
妈妈对你期望好高，姖要求你噶老公要有一份稳定职业，有屋，60平方以上，不能跟父母同住，并且是在广州地段。姖觉得，一个广州女大学生，值得拥有哩种男人，应分得到哩D条件。
如果真系应分噶，妈妈就唔需要咁可以提出啦，既然姖要刻意提出要求，就表示，唔系应分噶，而系姖自己都缺乏底气，不过有好想要。应分噶野根本就唔需要讲噶，例如要食饭饮水，你有无同任何人讲过话：“我要求有饭食，有水饮”啊？应分噶，使鬼讲啊！
唉，哩个世界，你有条件就可以应分，无条件就无得应分，所以我地无得要求男人对你点点点，你真系值得距对你好噶，距自然会对你好，真系好鬼简单。
好多时候，父母都会希望自己个女搵到个有车有楼有钱有本事噶好男人，系啊，你搵到，但系人地又为乜要沟你先？男人沟女需要时间精力金钱尊严，越有本事噶男人越唔会浪费哩D嘢。
我做一个假设：
如果距发现你唔系咁好，距当然唔会沟你---完；
如果姖以为你好好，或者通过D咩手段令距沟你，你受沟，一起拍拖结婚，建立家庭，距好有本事，你就无料到，无论哩个男人几好，距都会觉得，你同距一齐就系为左有个依靠，距就唔需要对你好。你话只要距爱你就得，咁你又知唔知爱情由何生？爱情由倾慕而生，你任何噶优点都可以成为距继续爱你噶理由，不过如果你受沟之后就以为得左，之前噶优点都系办嘢噶，距仲爱你条毛咩，你除左做一个泄欲工具，你仲有乜优势？你当然唔会甘心做泄欲工具，你就会好多怨言，之后距连泄欲都费事搵你，我问你死未？
=========================
好啦，家姐依家教你一套沟仔秘笈，要有个有车有楼有本事噶男人长期都咁爱你，真系话都无咁易。
有车有楼有本事噶男人好多，要距沟你都唔难，只要你有几分姿色，主动少少酒得，难就难再，距沟左你之后唔会玩腻你。
男人沟女，结婚，为乜？传宗接代，泄欲？如果系咁简单，去穷乡僻壤买个女人就得啦，使鬼沟你咩？男人需要安慰、面子。
要施展以下噶招数，前提系，你要好钟意对方，如果对方好丑好无品，你见到都反胃噶，就算啦，当我无讲过。你搵到一个你真系钟意噶男人之后，你要。。。。
1 床上功夫。
床上功夫唔系一种动作，系一种态度。
你问我有性先定系有爱先？男女之间的感情，有性先。不过你千其唔好将“性”“爱”放在一个单项选择题里面去做。男人有99%都系为性而爱（其实女人都系，不过方式不同），你吸引男人噶最先决条件系“性”，系一种优势，如果人不为性而爱，世界大乱，哩个系自然法则，你不能去反对，也没必要反对，而且，先有性再有爱难道就是丑陋的吗？
（我声明，“为性而爱”唔系话一见面就啪啪声，唔系求其搵个人上床，唔系搞过觉得爽再拍拖。性系爱情噶存在方式）
男人同女人做爱，唔系因为想泄欲咁简单，而系距地需要一种建立关系噶仪式。距地叫鸡，可能会需要玩好多花样，用尽各种方式凌辱对方获得快感，不过如果对自己老婆或者女朋友，就完全相反，距需要包容。你可以唔识任何花样，你可以唔识叫床，不过你唔可以要求距好强。
男人做爱噶时候，距噶精神会穿越到一个未戒奶噶婴儿时期，你就当距系一个婴儿就得，婴儿对妈妈系一种绝对需求状态，BB几傻，几蠢，几脆弱，你都唔会介意，你仲会觉得距好得人钟意。男人就系咁，距同自己最亲密噶人做爱噶时候，会响潜意识里面渴望做回婴儿，你满足距哩个需求，距会觉得好安慰，距会觉得无论哩个世界几丑陋几残酷，距都可以有一个休息噶地方。当一个男人获得哩种满足之后，性方面就唔会离开你，就算距去滚，都只会系过眼云烟，无人可以色诱距。
好多女人，唔靓女、无身材、无文化、又粗鲁，居然可以做人地噶小三，就系因为人地可以做到你老公潜意识上噶母亲，而你，就做左你老公潜意识上噶老板。
2 尊重。
男人体现自身价值，就系俾女人花钱，不过你唔好理所当然咁认为，距只有你一个女人，因为，距系有个老母噶。一个正常噶男人，如果有100蚊剩，距会好自然咁比50蚊阿妈，俾50蚊你。
男人噶尊严，就系对钱有主动权。如果你要控制距噶经济，或者你用任何方式想占用距更多噶经济资源，距就会对你噶爱减分。
婆媳关系，亦都系一个男人噶尊严，婆媳关系差噶男人会无尊严。如果你对你（未来）奶奶唔满意，或者系奶奶对你唔满意，你就要留意一下，你父母对你（未来）老公满唔满意，好多嘢都系简单噶因果关系。
你有无试过话距无用？如果有，你每一次责备距，距对你噶爱就会减分。你有无试过通过责备去刺激距去做某件事，例如“我咁无聊，你都唔识同我去街”“我生日，你居然无准备礼物”“宁愿打机都唔陪我”，如果有，距对你噶爱会减分。你不断咁评击距噶不足，距就会觉得做你老公无意思，做一百件好事都无用，做一件坏事就俾你叼。咁我不如乜都唔做，好似机械人咁，你话点就点，然后搵第个女人倾诉。
唔尊重噶方式好多，我就费事慢慢一个一个列出来喇。
作为女人，你有乜期望，可以放低身价去求你噶男人做，而唔系好似签左合同咁，距唔做就要惩罚距。男人需要一个女人去需要距，好讨厌一个女人去监督距。
3 身价。
要改变一个男人，你需要用一辈子，这一辈子你要好像一个驯兽师那样，时时刻刻盯住距，努力几十年，你会发现，你噶一生都活在他的不足之中，最后距根本就无任何改变。男人真系无得改变，所谓改变一个男人，其实系改变左一个女人。你要一个男人变好只有一个办法，令距觉得你值得为左你而改变，当一个男人察觉到自己有D衬你唔起噶时候，你先有要距改变噶筹码。
如果你自己有本事，你个男人先会有本事。女人噶本事包括生活智慧，样貌身材气质修养。
女人要扮靓，你靓女，距就会注意自己噶仪容，增加自己噶阅历或者生活智慧，可以独立生存，千其唔好将自己处于一个无左距就唔得噶境界，要距永远都唔可以睇透你，距就会继续爱你。你多一个优点，距就多一个爱你噶理由。
你识得品尝红酒，距就会买支靓红酒。（只是举例，不是标准）
你钟意去旅游，并且知道点去享受哩个过程，距就会揾钱陪你去。
总之就系，你要去享受距噶每一个优点，享受距每一个劳动成果。距觉得自己做噶一切真系可以施展响你身上，距就会做。如果你嫁过去之后就系等个老公揾钱满足你D自认为应分噶要求，距只会有压力，无动力。
------
距搞你要赞距乖、俾距知道你需要距、距识得揾钱你就要识得享受。哩三样野有几难？一D都唔难，讲就容易，做就更容易，个位男士，如果你噶女人做到以上三点，你点舍得唔爱姖啊？
所以本人妖姬葵要搵个好男人，基本上系随手可得，就算我话埋俾距听，我就系用以上噶三招令到你咁爱我噶，距都一样咁爱我。
千其唔好羡慕人地噶男人，人地噶男人有几好，有一半噶功劳系距个女人好。
唔好研究点样治自己个男人，就算俾你治到，都只会系表面。
咩爱情啊，婚姻啊，根本就唔系一场经竞技或者表演，而系个人修行。
